3-4. упаккилесасутта̄диван̣н̣ана̄

214-215. на ча пабха̄вантанти на ча пабха̄сампаннам̣. пабхиджджанасабха̄ванти та̄петва̄ та̄лане пабхан̇гутам̣. авасесам̣ лоханти вутта̄васесам̣ джа̄тилохам̣, виджа̄тилохам̣, киттималоханти пабхедам̣ саббампи лохам̣. уппаджджитум̣ аппада̄нена̄ти еттха нану локийакусалачиттассапи сувисуддхасса уппаджджитум̣ аппада̄нена упаккилесата̄ти? саччаметам̣, йасмим̣ пана санта̄не нӣваран̣а̄ни ладдхапатит̣т̣ха̄ни, таттха махаггатакусалассапи асамбхаво, пагева локуттаракусаласса, париттакусалам̣ пана йатха̄паччайам̣ уппаджджати. нӣваран̣е хи вӯпасанте санта̄не уппаттийа̄ апарисуддхам̣ хоти, упаккилит̣т̣хам̣ на̄ма хоти, апарисуддхадӣпакапалликават̣т̣хитела̄дисанниссайо дӣпо вийа, апича ниппарийа̄йато уппаджджитум̣ аппада̄ненева тесам̣ упаккилесата̄ти дассенто ‘‘йадаггена хӣ’’тиа̄дима̄ха. а̄рамман̣е виккхиттаппаттивасена чун̣н̣авичун̣н̣ата̄ ведитабба̄. на а̄варантӣти кусаладхамме уппаджджитум̣ аппада̄навасена на а̄варанти, атха кхо тесам̣ уппаттийа̄ хонти. на пат̣иччха̄дентӣти на винандханти. чатубхӯмакачиттасса̄ти чатуттхабхӯмакакусалачиттасса анупаккилеса̄, техи акилиссанато.