9. татийаа̄макадхан̃н̃апеййа̄лавагго

1. наччагӣтасуттаван̣н̣ана̄

1151. сан̇кхепато ‘‘саббапа̄пасса акаран̣а’’нтиа̄динайаппаваттам̣ (дӣ.ни. 2.90; дха.па. 183) бхагавато са̄санам̣ аччантачхандара̄гапаваттито начча̄дӣнам̣ дассанам̣ на анулометӣти а̄ха ‘‘са̄санасса анануломатта̄’’ти. аттана̄ парехи ча пайоджийама̄нам̣ пайоджа̄пийама̄нан̃ча етенева начча-саддена гахитам̣, татха̄ гӣтава̄дитасаддехи ча̄ти а̄ха – ‘‘наччананачча̄пана̄дивасена̄’’ти. а̄ди-саддена га̄йана-га̄йа̄пана-ва̄дана-ва̄да̄пана̄дӣни сан̇ган̣ха̄ти. дассанена четтха саванампи сан̇гахитам̣ вирӯпекасесанайена. йатха̄сакам̣ висайасса а̄лочанасабха̄вата̄йа ва̄ пан̃чаннам̣ вин̃н̃а̄н̣а̄нам̣ саванакирийа̄йапи дассанасан̇кхепасаббха̄вато ‘‘дассана̄’’иччева вуттам̣. ависӯкабхӯтасса гӣтасса саванам̣ када̄чи ват̣т̣атӣти а̄ха – ‘‘висӯкабхӯта̄ дассана̄ ча̄’’ти. татха̄ хи вуттам̣ параматтхаджотика̄йа кхуддакаат̣т̣хакатха̄йа (кху. па̄. ат̣т̣ха. 2.паччхимапан̃часиккха̄падаван̣н̣ана̄) – ‘‘дхаммӯпасам̣хитам̣ гӣтам̣ ват̣т̣ати, гӣтӯпасам̣хито дхаммо на ват̣т̣атӣ’’ти.

2. учча̄сайанасуттаван̣н̣ана̄

1152. учча̄ти учча-саддена сама̄наттхам̣ екам̣ саддантарам̣. сети еттха̄ти сайанам̣, учча̄сайанам̣ маха̄сайанан̃ча саман̣аса̄руппарахитам̣ пат̣иккхиттанти а̄ха – ‘‘пама̄н̣а̄тиккантам̣ акаппийаттхаран̣а’’нти. а̄санда̄диа̄санан̃четтха сайаненева сан̇гахитам̣. йасма̄ пана а̄дха̄ре пат̣иккхитте тада̄дха̄ракирийа̄ пат̣иккхитта̄ва хоти, тасма̄ ‘‘учча̄сайанамаха̄сайана̄’’иччева вуттам̣. аттхато пана тадупабхогабхӯтанисаджджа̄нипаджджанехи вирати дассита̄ти дат̣т̣хаббам̣. атха ва̄ учча̄сайанамаха̄сайанан̃ча учча̄сайанамаха̄сайанан̃ча̄ти учча̄сайанамаха̄сайананти етасмим̣ аттхе екасесанайена айам̣ ниддесо като йатха̄ – ‘‘на̄марӯпапаччайа̄ сал̣а̄йатана’’нти (уда̄. 1). а̄санакирийа̄пуббакатта̄ ва̄ сайанакирийа̄йа сайанаггахан̣енева а̄санампи гахитанти дат̣т̣хаббам̣.

3. джа̄тарӯпасуттаван̣н̣ана̄

1153. ан̃н̃епи уггаха̄пане упаниккхиттаса̄дийане ча пат̣иггахан̣аттхо лаббхатӣти а̄ха – ‘‘на угган̣ха̄пенти, на упаниккхиттам̣ са̄дийантӣ’’ти. атха ва̄ тивидхам̣ пат̣иггахан̣ам̣ ка̄йена ва̄ча̄йа манаса̄ти. таттха ка̄йена пат̣иггахан̣ам̣ уггахан̣ам̣, ва̄ча̄йа пат̣иггахан̣ам̣ уггаха̄пан̣ам̣, манаса̄ пат̣иггахан̣ам̣ са̄дийанам̣. тивидхампи пат̣иггахан̣ам̣ са̄ман̃н̃аниддесена, екасесанайена ва̄ гахетва̄ ‘‘пат̣иггахан̣а̄’’ти вуттанти а̄ха – ‘‘нева нам̣ угган̣хантӣ’’тиа̄ди. еса найо ‘‘а̄макадхан̃н̃апат̣иггахан̣а̄’’тиа̄дӣсупи.

4. а̄макадхан̃н̃асуттаван̣н̣ана̄

1154. нӣва̄ра̄диупадхан̃н̃асса са̄лиа̄димӯладхан̃н̃антогадхатта̄ вуттам̣ ‘‘саттавидхасса̄’’ти.

5. а̄макамам̣сасуттаван̣н̣ана̄

1155. ‘‘ануджа̄на̄ми, бхиккхаве, пан̃ча васа̄ни бхесаджджа̄ни – аччхавасам̣, маччхавасам̣, сусука̄васам̣, сӯкаравасам̣, гадрабхаваса’’нти (маха̄ва. 262; па̄ра̄. ат̣т̣ха. 623) вуттатта̄ идам̣ уддисса анун̃н̃а̄там̣ на̄ма. тасса пана ‘‘ка̄ле пат̣иггахита’’нти (маха̄ва. 262) вуттатта̄ пат̣иггахан̣ам̣ ват̣т̣атӣти а̄ха – ‘‘ан̃н̃атра уддисса анун̃н̃а̄та̄’’ти. винайавасена упапариккхитаббо, тасма̄ самантапа̄са̄дика̄йа винайат̣т̣хакатха̄йа вуттанайенеттха виниччхайо ведитаббо.