4. тула̄кӯт̣асуттаван̣н̣ана̄

1164. рӯпакӯт̣ам̣ сарӯпена садисена чхалавоха̄ро. ан̇гакӯт̣ам̣ аттано хаттха̄дина̄ ан̇га̄нам̣ чхалакаран̣ам̣. гахан̣акӯт̣ам̣ ма̄несу гахан̣авасена. пат̣иччханнакӯт̣ам̣ айачун̣н̣а̄дина̄ пат̣иччханнена чхалакаран̣ам̣. махатийа̄ тула̄йа. паччха̄бха̄гети тула̄йа паччхимабха̄ге. хаттхена̄ти хаттхападесена. аккаматӣти ут̣т̣ха̄тум̣ аденто ган̣ха̄ти. даданто пуббабха̄гети паресам̣ даданто пуббабха̄ге хаттхена тулам̣ аккамати. танти айачун̣н̣ам̣.

лохапа̄тийоти тамбалохапа̄тийо. суван̣н̣аван̣н̣а̄ каронтӣти асаникха̄дасуван̣н̣аканакалимпита̄ суван̣н̣аван̣н̣а̄ каронти. ма̄набха̄джанасса хадайабхӯтасса аббхантарасса бхиннам̣ хадайабхедо. нимийама̄насса тилатан̣д̣ула̄дикасса сикха̄йа аггакот̣ийа̄ бхиннам̣ сикха̄бхедо. кхетта̄дӣнам̣ минанараджджуйа̄ ан̃н̃атха̄каран̣ам̣ раджджубхедо. раджджугахан̣енева четтха дан̣д̣акасса гахан̣ам̣ катамева̄ти дат̣т̣хаббам̣.