1. сахассабхиккхунисан̇гхасуттаван̣н̣ана̄

1007. дхаммикатта̄ десава̄сӣхи анукампито ра̄джа̄ти ра̄джако, тасса а̄ра̄мо ра̄джака̄ра̄мо, тасмим̣. бхӯмисӣсам̣ сет̣т̣хаппадесо, йаттха васанто ла̄бхаггайасаггаппатто хотӣти тесам̣ адхиппа̄йо.

ва̄ра̄пехӣти пат̣иседхехи. йуджджха̄петунти калахам̣ ка̄ра̄петум̣. пуна а̄гаччханта̄ти апарасмим̣ сам̣ваччхаре а̄гаччханта̄. уббат̣т̣етва̄ти махатӣ вӣчийо уббат̣т̣етва̄. йатха̄ тасса сакаламева рат̣т̣хам̣ екодакӣбхӯтам̣ хоти, евам̣ катва̄ самуддамева джа̄там̣. тена вуттам̣ ‘‘самуддамева акам̣сӯ’’ти.

исӣнамантарам̣ катва̄ти исӣнам̣ ка̄ран̣ам̣ катва̄, исӣнам̣ хетӯти аттхо, исӣнам̣ ва̄ антарабхедам̣ катва̄. татха̄ локе кола̄халасса паттхат̣атам̣ вибха̄венто бхагава̄ ‘‘ме сута’’нти а̄ха паччаккхато джа̄нампи. уччхинноти кулаччхедена уччхинно. на кевалам̣ сайамева, атха кхо саха рат̣т̣хехи. вибхаванти вина̄сам̣ упагато.

там̣ сандха̄йетам̣ вуттанти там̣ йатха̄вуттам̣ пасенадина̄ косалара̄джена ка̄ритам̣ виха̄рам̣ сандха̄йа етам̣ ‘‘ра̄джака̄ра̄ме’’ти вуттам̣.