9. сӯкасуттаван̣н̣ана̄

9. сӯканти са̄лийава̄дӣнам̣ ва̄лама̄ха. со хи никантакасадисо пат̣имукхагатам̣ хаттхам̣ ва̄ па̄дам̣ ва̄ бхиндати, тасма̄ бхедам̣ иччхантена уддхаггам̣ катва̄ т̣хапитам̣ самма̄пан̣ихитам̣ на̄ма, татха̄ ат̣т̣хапитам̣ миччха̄пан̣ихитам̣ на̄ма̄ти вуттам̣. миччха̄пан̣ихита̄йа̄ти каммассакатапан̃н̃а̄йа миччха̄т̣хапанам̣ на̄ма – ‘‘име сатта̄ каммавасена сукхадуккхам̣ паччанубхаванти, там̣ пана каммам̣ иссарасса иччха̄васена брахма̄ ниммина̄тӣ’’тиа̄дина̄ миччха̄пакаппанам̣. кечи пана ‘‘наттхи диннантиа̄дина̄ найена паватти, тасса ва̄ н̃а̄н̣асса аппаваттӣ’’ти ваданти. маггабха̄вана̄йа̄ти еттха̄пи миччха̄маггасса паваттанам̣, арийамаггасса ва̄ аппаваттанам̣ миччха̄т̣хапанам̣. тена̄ха ‘‘аппаваттитатта̄’’ти. авиджджам̣ бхиндиссатӣти авиджджам̣ самуччхиндиссати. магганисситам̣ катва̄ магге ева паккхипитва̄. тан̃хи н̃а̄н̣ам̣ маггасса мӯлака̄ран̣ам̣ магге сиддхе тасса киччасса маттхакаппаттито. ‘‘самма̄пан̣ихита̄йа дит̣т̣хийа̄ самма̄пан̣ихита̄йа маггабха̄вана̄йа̄’’ти вуттатта̄ миссакамагго катхито. чхавибхедасадисо четтха авиджджа̄бхедо, лохитуппа̄дасадисо локуттарамаггабха̄во дат̣т̣хаббо.

сӯкасуттаван̣н̣ана̄ нит̣т̣хита̄.