9. куласуттаван̣н̣ана̄

361. евам̣ паваттаӣхитика̄ти евам̣ двидха̄ паваттаӣхитика̄. двӣхитика̄ дуккараджӣвикапайога̄. сала̄каматтам̣ вуттам̣ еттха̄ти сала̄ка̄ вутта̄, пуримападе уттарападалопо. убхатокот̣иканти йади ‘‘кула̄нудайам̣ на ван̣н̣емӣ’’ти вадати, ‘‘бхӯта̄ никкарун̣а̄ саман̣а тумхе’’ти ва̄дам̣ а̄ропехи. атха саббада̄пи ‘‘кула̄нудайам̣ ван̣н̣емӣ’’ти вадати. евам̣ санте ‘‘касма̄ евам̣ дуббхиккхе ка̄ле махатийа̄ париса̄йа паривуто джанападача̄рикам̣ чаранта̄ кулӯпаччхеда̄йа пат̣ипаджджатха̄’’ти евам̣ убхатокот̣икам̣ ва̄дам̣ а̄ропехӣти га̄ман̣им̣ уййоджеси.

две антети убхо кот̣ийо. бахи нӣхаритунти на ван̣н̣еми ван̣н̣емӣти две анте моченто там̣ пуччхитаматтхам̣ бахи нӣхарати на̄ма. таттха досам̣ датва̄ чоденто там̣ апуччхам̣ каронто гилитва̄ вийа анто павесети на̄ма.

ито со га̄ман̣ӣтиа̄ди аттано бхиккхӯнам̣ ан̃н̃есан̃ча аттхака̄ма̄нам̣ бхиккхаппада̄нена анит̣т̣хаппаттиабха̄вадассанаттхам̣ а̄раддхам̣. да̄нена самбхӯта̄нӣти да̄намайена пун̃н̃акирийаваттхуна̄ саммадева бхӯтим̣ вад̣д̣хим̣ патта̄ни. саччена арийавоха̄рена саммадева бхӯта̄ни уппанна̄ни саччасамбхӯта̄нӣти а̄ха ‘‘саччам̣ на̄ма саччава̄дита̄’’ти. сесасӣланти ат̣т̣хавидхаарийавоха̄рато ан̃н̃асӣлам̣. нихитанти тасмим̣ куле пуббапурисехи нидха̄набха̄вена нихитам̣. дуппайутта̄ти касива̄н̣иджджа̄дивасена дут̣т̣ху пайутта̄ камманта̄. випаджджантӣти нассанти. кулан̇га̄роти куласса ан̇га̄расадисо вина̄сакапуггало. аниччата̄ти маран̣ам̣. тасмим̣ куле падха̄напуриса̄нам̣ бхога̄нам̣ ва̄ саббасо вина̄со. тена̄ха ‘‘хутва̄ абха̄во’’тиа̄ди.

куласуттаван̣н̣ана̄ нит̣т̣хита̄.