7. кхеттӯпамасуттаван̣н̣ана̄

359. тхаддханти катхинам̣ лӯкхам̣. ӯсаранти ӯсаджа̄там̣. чатӯхипи огхехи анабхибхаванӣйата̄йа ахам̣ дӣпо. саббапариссайехи анабхибхаванӣйата̄йа ахам̣ лен̣о. саббадуккхапаритта̄санато та̄йанат̣т̣хена ахам̣ та̄н̣ам̣. саббабхайахим̣санато ахам̣ саран̣анти йоджетаббам̣.

удакаман̣икоти махантам̣ удакабха̄джанам̣. бахи виссанданавасена удакам̣ на харатӣти аха̄рӣ, парито на паггхаратӣти апариха̄рӣ. саккаччамева десенти саддхаммага̄равасса саббасаттесу маха̄карун̣а̄йа ча буддха̄нам̣ сама̄нарасатта̄. чатассо пана париса̄ саттхуга̄равена аттано ча саддха̄сампанната̄йа саддахитва̄ окаппетва̄ сун̣анти, тасма̄ та̄ десана̄пхалена йуджджанти. киччасиддхийа̄ саттху десана̄ таттха саккаччадесана̄ на̄ма джа̄та̄.

кхеттӯпамасуттаван̣н̣ана̄ нит̣т̣хита̄.