3-5. йодха̄джӣвасутта̄диван̣н̣ана̄

355-357. йуджджханам̣ йодхо, со а̄джӣво етасса̄ти йодха̄джӣво. тена̄ха – ‘‘йуддхена джӣвикам̣ каппанако’’ти, усса̄хам̣ ва̄йа̄мам̣ каротӣти йуджджханавасена усса̄хам̣ ва̄йа̄мам̣ кароти. парийа̄па̄дентӣти маран̣апарийантикам̣ а̄падам̣ па̄пенти. тена̄ха ‘‘маран̣ам̣ пат̣ипаджджа̄пентӣ’’ти. дут̣т̣ху т̣хапитанти дут̣т̣ха̄ка̄рена аттано паресан̃ча аттха̄вахабха̄вам̣ на гатам̣ пат̣ипаннам̣. парехи сан̇га̄ме джита̄ хата̄ еттха джа̄йантӣти параджито на̄ма нирайо. асидханугада̄йасан̇кучакка̄ни пан̃ча̄вудха̄ни. там̣ сандха̄йа̄ти там̣ йодха̄джӣвам̣ пуггалам̣ сандха̄йа. етам̣ ‘‘йо со’’тиа̄ди вуттам̣. чатуттхапан̃чамесӯти хаттха̄рохаасса̄рохасуттесу. есева найоти есо татийе вутто ева аттхато висеса̄бха̄вато.

йодха̄джӣвасутта̄диван̣н̣ана̄ нит̣т̣хита̄.