4. махакапа̄т̣иха̄рийасуттаван̣н̣ана̄

346. тесам̣ ануджа̄нантоти тесам̣ да̄сакаммакара̄нам̣ сесаке йатха̄ручи вича̄ран̣ам̣ ануджа̄нанто. кудхитанти балавата̄ сӯрийасанта̄пена сан̇кутхитам̣. тена̄ха ‘‘хет̣т̣ха̄’’тиа̄ди. атитикхин̣анти ативийа тиккхадха̄тукам̣. асамбхиннападанти ан̃н̃аттха ана̄гататта̄ типит̣аке авомиссакападам̣, идхева а̄гатападанти аттхо. пат̣илӣйама̄нена̄ти пат̣икам̣сена висесанена вилӣйама̄нена ка̄йена.

еттха ча̄ти етасмим̣ адхит̣т̣ха̄ниддхикаран̣е. аббхаман̣д̣апам̣ катва̄ти самантато чха̄данавасена ман̣д̣апам̣ вийа мегхапат̣алам̣ уппа̄детва̄. девоти мегхо. екамекам̣ пхуситакам̣ пхуса̄йату джа̄лавинаддхам̣ вийа вассату. евам̣ вуттаппака̄рена на̄на̄парикаммам̣ на̄на̄дхит̣т̣ха̄нам̣ екато парикаммам̣ екато адхит̣т̣ха̄нанти чатуккаметтха самбхаватӣти дассети ‘‘еттха ча̄’’тиа̄дина̄. йатха̄ татха̄ти йатха̄вуттесу чатӯсу пака̄ресу йена ва̄ тена ва̄ пака̄рена каронтасса. катапарикаммасса̄ти ‘‘евам̣ ва̄ евам̣ ва̄ хотӯ’’ти паваттитапарикаммачиттасса. ‘‘парикамма̄нантарена̄ти адхит̣т̣ха̄начиттуппа̄данаттхам̣ сама̄паннапа̄дакаджджха̄нато вут̣т̣ха̄йа адхит̣т̣ха̄начиттасса ека̄ваджджанавӣтхийам̣ паваттапарикаммам̣ сандха̄йа вутта’’нти ваданти.

махакапа̄т̣иха̄рийасуттаван̣н̣ана̄ нит̣т̣хита̄.