3. париха̄насуттаван̣н̣ана̄

96. париха̄насабха̄ванти анаваджджадхаммехи париха̄йанасабха̄вам̣. абхибхавита̄нӣти абхибхӯта̄ни ниббисеванабха̄ва̄ка̄рена. сарасан̇каппа̄ти тасмим̣ тасмим̣ висайе анават̣т̣хитабха̄вена сан̇каппа̄. сам̣йоджанийа̄ти сам̣йоджетабба̄. сам̣йоджана̄нан̃хи пунаппунам̣ уппаттийа̄ ока̄сам̣ денто килесаджа̄там̣ адхива̄сети на̄ма. килесо ева килесаджа̄там̣. а̄рамман̣ам̣ пана читте каронто адхива̄сети на̄ма. чхандара̄гаппаха̄нена на паджахати а̄рамман̣ам̣, килесам̣ пана ануппаттидхаммата̄па̄данена ева. абхибхавитам̣ а̄йатананти катхитам̣ адхива̄сана̄дина̄. ‘‘катхан̃ча, бхиккхаве, париха̄надхаммо хотӣ’’ти дхаммам̣ пуччхитва̄ там̣ вибхаджантена бхагавата̄ ‘‘тан̃че бхиккху адхива̄сетӣ’’тиа̄дина̄ пуггалена пуггала̄дхит̣т̣ха̄нена дхаммо дассито.

париха̄насуттаван̣н̣ана̄ нит̣т̣хита̄.