7. хетусуттаван̣н̣ана̄

212. убхайена̄ти хетупаччайапат̣иседхавачанена. сам̣килесапаччайанти сам̣килисанасса малӣнабха̄васса ка̄ран̣ам̣. висуддхипаччайанти сам̣килесато висуддхийа̄ вода̄насса ка̄ран̣ам̣. наттхи баланти сатта̄нам̣ дит̣т̣хадхаммикасампара̄йиканибба̄насампаттиа̄вахам̣ балам̣ на̄ма кин̃чи наттхи. тена̄ха ‘‘йамхӣ’’тиа̄ди. нидассанаматтан̃четам̣, сам̣килесикампи ча̄йам̣ пат̣иккхипатева. ан̃н̃аман̃н̃авевачана̄нӣти тасса̄ тасса̄ кирийа̄йа уссаннат̣т̣хена балам̣, сӯравӣрабха̄ва̄вахат̣т̣хена вӣрийам̣, тамева дал̣хагга̄хабха̄вато порисам̣ дхурам̣ вахантена паваттетаббато пурисатха̄мо, парам̣ парам̣ т̣ха̄нам̣ аккаманаппаваттийа̄ пурисапараккамоти вуттоти ведитаббам̣.

сатвайогато, рӯпа̄дӣсу ва̄ саттата̄йа сатта̄, па̄н̣анато асса̄санапасса̄санавасена паваттийа̄ па̄н̣а̄, те пана со екиндрийа̄дивасена вибхаджитва̄ вадатӣти а̄ха ‘‘екиндрийо’’тиа̄ди. ан̣д̣акоса̄дӣсу бхаванато бхӯта̄ти вуччантӣти а̄ха ‘‘ан̣д̣а…пе… вадантӣ’’ти. джӣванато па̄н̣ам̣ дха̄рента̄ вийа вад̣д̣ханато джӣва̄ти са̄лийава̄дике ваданти. наттхи етесам̣ сам̣килесависуддхӣсу васоти аваса̄. наттхи тесам̣ балам̣ вӣрийанти абала̄ авӣрийа̄. нийатата̄ти аччхеджджасутта̄вута̄бхеджджаман̣ино вийа нийатаппаваттита̄йа гатиджа̄тибандха̄паваггавасена нийамо. таттха таттха гамананти чханнам̣ абхиджа̄тӣнам̣ васена та̄су та̄су гатӣсу упагаманам̣. самава̄йена сама̄гамо сан̇гати. сабха̄войева̄ти йатха̄ кан̣т̣акасса тиккхата̄, капиттхапхала̄нам̣ париман̣д̣алата̄, мигапаккхӣнам̣ вичитта̄ка̄рата̄, евам̣ саббассапи локасса хетупаччайехи вина̄ татха̄ татха̄ парин̣а̄мо, айам̣ сабха̄во ева акиттимо ева. тена̄ха ‘‘йена хӣ’’тиа̄ди. чхал̣абхиджа̄тийо парато виттха̄рӣйанти. сукхан̃ча дуккхан̃ча пат̣исам̣ведентӣти ваданта̄ адуккхамасукхабхӯбхим̣ саббена саббам̣ на джа̄нантӣти уллин̇генто ‘‘ан̃н̃а̄ сукхадуккхабхӯми наттхӣти дассентӣ’’ти а̄ха.

хетусуттаван̣н̣ана̄ нит̣т̣хита̄.