8. чханнасуттаван̣н̣ана̄

90. маккхӣти гун̣амаккханалаккхан̣ена маккхена саманна̄гато. пал̣а̄сӣти йугагга̄халаккхан̣ена пал̣а̄сена саманна̄гато. етам̣ авоча̄ти ‘‘оваданту мам̣…пе… пассеййа’’нти етам̣ авоча.

тхеранти чханнаттхерам̣. аттано дуггахан̣ена кан̃чи упа̄рамбхампи кареййа. тена вуттам̣ ‘‘евам̣ кира несам̣ ахосӣ’’тиа̄ди. ниддосамевасса катва̄ти а̄дито анурӯпаттамева катва̄ саддхаммам̣ катхесса̄ма̄ти.

паритассана̄ упа̄да̄нанти бхайапаритассана̄ дит̣т̣хупа̄да̄нам̣. анаттани сати анаттаката̄ни камма̄ни каматта̄нам̣ пхусиссантӣти бхайапаритассана̄ чева дит̣т̣хупа̄да̄нан̃ча уппаджджати. пат̣иниваттатӣти йатха̄раддхавипассана̄то пат̣иниваттати, на̄саккхӣти аттхо. касма̄ панетасса випассанамануйун̃джантасса евам̣ ахосӣти таттха ка̄ран̣ам̣ вадати ‘‘айам̣ кира̄’’тиа̄дина̄. еванти ‘‘ко ну кхо ме атта̄’’ти евам̣ на хоти. та̄ватика̄ виссаттхӣти ‘‘майхам̣ дхаммам̣ десетӯ’’ти вуттависса̄со аттхӣти аттхо. идам̣ качча̄насаттхам̣ аддаса̄ти йоджана̄. ‘‘двайаниссито, качча̄на, локо’’тиа̄ди дит̣т̣хивинивет̣хана̄. ‘‘ете те, качча̄на, убхо анте анупагамма̄’’тиа̄ди буддхабаладӣпана̄.

чханнасуттаван̣н̣ана̄ нит̣т̣хита̄.