5. саманупассана̄суттаван̣н̣ана̄

47. парипун̣н̣ага̄хавасена̄ти пан̃чаккхандхе асесетва̄ екаджджхам̣ ‘‘атта̄’’ти гахан̣авасена. етесам̣ пан̃чаннам̣ упа̄да̄наккхандха̄нам̣ ан̃н̃атарам̣ ‘‘атта̄’’ти саманупассанти. итӣти евам̣. йасса пуггаласса айам̣ аттадит̣т̣хисан̇кха̄та̄ саманупассана̄ аттхи пат̣ипаккхена авихататта̄ сам̣виджджати. пан̃чаннам̣ индрийа̄нанти чаккха̄дӣнам̣ индрийа̄нам̣.

а̄рамман̣анти каммавин̃н̃а̄н̣асса а̄рамман̣ам̣. ма̄навасена ча дит̣т̣хивасена ча ‘‘асмӣ’’ти га̄хе сиджджханте там̣сахагата̄ тан̣ха̄пи таггахита̄ва хотӣти вуттам̣ ‘‘тан̣ха̄ма̄надит̣т̣хивасена асмӣти евамписса хотӣ’’ти. гахетва̄ти ахам̣ка̄раваттхувасена гахетва̄. айам̣ ахамасмӣти айам̣ чаккха̄дико, сукха̄дико ва̄ ахамасми. ‘‘рӯпӣ атта̄ арого парам̣ маран̣а̄’’ти евама̄дигахан̣авасена паваттанато вуттам̣ ‘‘рӯпӣ бхависсантиа̄дӣни сабба̄ни сассатамева бхаджантӣ’’ти. випассана̄бхинивесато пуббе йатхева̄ка̄ра̄ни пан̃чиндрийа̄ни, атха випассана̄бхинивесато парам̣ тенева̄ка̄рена т̣хитесу чаккха̄дӣсу индрийесу авиджджа̄ пахӣйати випассанам̣ вад̣д̣хаетва̄ маггасса уппа̄данена, атха маггапарампара̄йа арахаттамаггавиджджа̄ уппаджджати. тан̣ха̄ма̄надит̣т̣хийо каммасамбха̄рабха̄вато. каммасса…пе… еко сандхӣти хетупхаласандхи. пуна еко сандхӣти пхалахетусандхима̄ха. тайо папан̃ча̄ атӣто аддха̄ атӣтабхавааддха̄нам̣ тесам̣ адхиппетатта̄. ана̄гатасса паччайо дассито ассутавато путхуджджанасса васена. сутавато пана арийаса̄вакасса васена ват̣т̣асса вӯпасамо дасситоти.

саманупассана̄суттаван̣н̣ана̄ нит̣т̣хита̄.