1. аттадӣпасуттаван̣н̣ана̄

43. двӣхи бха̄гехи а̄по еттха гата̄ти дӣпо, дӣпо вийа̄ти дӣпо огхехи анаджджхоттхаранӣйата̄йа. йо паро на хоти, со атта̄, идха пана дхаммо адхиппето. атта̄ дӣпо етесанти аттадӣпа̄. пат̣исаран̣аттхо дӣпат̣т̣хоти а̄ха – ‘‘аттасаран̣а̄ти идам̣ тассева вевачана’’нти. локийалокуттаро дхаммо атта̄ на̄ма екантана̄тхабха̄вато. пат̣хамена падена вутто ева аттхо дутийападена вуччатӣти вуттам̣ ‘‘тенева̄ха̄’’тиа̄ди. йавати етасма̄ пхалам̣ пасаватӣти йони, ка̄ран̣ам̣. ким̣ пабхути уппаттит̣т̣ха̄нам̣ етесанти ким̣ пабхутика̄. паха̄надассанаттхам̣ а̄раддхам̣. тенева̄ха ‘‘пуббе чева…пе… те пахӣйантӣ’’ти. на паритассати тан̣ха̄паритта̄сасса абха̄вато. випассанан̇гена̄ти випассана̄сан̇кха̄тена ка̄ран̣ена.

аттадӣпасуттаван̣н̣ана̄ нит̣т̣хита̄.