7. упа̄да̄паритассана̄суттаван̣н̣ана̄

7. гахан̣ена уппаннам̣ паритассананти кхандхапан̃чаке ‘‘ахам̣ мама̄’’ти гахан̣ена уппаннам̣ тан̣ха̄паритассанам̣ дит̣т̣хипаритассанан̃ча. апаритассананти паритассана̄бха̄вам̣, паритассанапат̣ипаккхам̣ ва̄. аху вата метам̣ балайоббана̄ди. каммавин̃н̃а̄н̣анти випарин̣а̄ма̄рамман̣ам̣ тан̣ха̄дит̣т̣хисахагатам̣ вин̃н̃а̄н̣ам̣ тадануватти ча. анупариватти на̄ма там̣ а̄рамман̣ам̣ катва̄ паватти. тена̄ха ‘‘випарин̣а̄ма̄рамман̣ачиттато’’ти. акусаладхаммасамуппа̄да̄ти тан̣ха̄йа ан̃н̃а̄кусаладхаммасамуппа̄да̄. парийа̄дийитва̄ти кхепетва̄, тасса паваттитум̣ ока̄сам̣ адатва̄. саутта̄соти тан̣ха̄дит̣т̣хивасена саутта̄со. ган̣хитва̄ти тан̣ха̄дит̣т̣хигга̄хехи гахетва̄ тесан̃чева васена паритассако. рӯпабхеда̄нупариватти читтам̣ на хоти. ват̣т̣атӣти сабба̄ка̄рена ваттум̣ йуттанти аттхо.

упа̄да̄паритассана̄суттаван̣н̣ана̄ нит̣т̣хита̄.