3. куласуттаван̣н̣ана̄

225. видхам̣сайанти вихет̣хайанти. вад̣д̣хита̄ти бха̄вана̄па̄рипӯривасена парибрӯхита̄. пунаппунам̣ ката̄ти бха̄вана̄йа бахулӣкаран̣ена апара̄парам̣ паваттита̄ йуттайа̄нам̣ вийа ката̄ти йатха̄ йуттам̣ а̄джан̃н̃аратхам̣ чхекена са̄ратхина̄ адхит̣т̣хитам̣ йатха̄ручи паваттати, евам̣ йатха̄ручи паваттийа̄ гамита̄. патит̣т̣ха̄нат̣т̣хена̄ти адхит̣т̣ха̄нат̣т̣хена. ваттху вийа ката̄ саббасо упаккилесависодханена сувисодхитамарийа̄дам̣ вийа ката̄. адхит̣т̣хита̄ти пат̣ипаккхадӯрӣбха̄вато субха̄витабха̄вена авикампанеййата̄йа т̣хапита̄. самантато чита̄ти саббабха̄гена бха̄ванӯпачайам̣ гамита̄. тена̄ха ‘‘сувад̣д̣хита̄’’ти. сут̣т̣ху сама̄раддха̄ти метта̄бха̄вана̄йа маттхакаппаттийа̄ саммадева сампа̄дита̄.

куласуттаван̣н̣ана̄ нит̣т̣хита̄.