3. татийавагго

1. ма̄туга̄масуттаван̣н̣ана̄

170. йам̣ висабха̄гаваттху пурисасса читтам̣ парийа̄да̄йа т̣ха̄тум̣ саккотӣти вуччати, тато висесато ла̄бхасакка̄рова сатта̄нам̣ читтам̣ парийа̄да̄йа т̣ха̄тум̣ саккотӣти дассенто бхагава̄ ‘‘на тасса, бхиккхаве’’тиа̄димавоча̄ти дассенто ‘‘на тасса̄’’тиа̄дима̄ха.

ма̄туга̄масуттаван̣н̣ана̄ нит̣т̣хита̄.

2. калйа̄н̣ӣсуттаван̣н̣ана̄

171. дутийам̣ утта̄намева, тассева аттхасса кевалам̣ джанападакалйа̄н̣ӣвасена вуттам̣.

калйа̄н̣ӣсуттаван̣н̣ана̄ нит̣т̣хита̄.

3-6. екапуттакасутта̄диван̣н̣ана̄

172-175. саддха̄ти арийамаггена а̄гатасаддха̄ адхиппета̄ти а̄ха ‘‘сота̄панна̄’’ти.

екапуттакасутта̄диван̣н̣ана̄ нит̣т̣хита̄.

7. татийасаман̣абра̄хман̣асуттаван̣н̣ана̄

176. евама̄дӣти а̄ди-саддена ба̄хусаччасам̣варасӣла̄дӣнам̣ сан̇гахо дат̣т̣хаббо. ла̄бхасакка̄расса самудайам̣ уппаттика̄ран̣ам̣ самудайасаччавасена дуккхасаччасса уппаттихетута̄васена.

татийасаман̣абра̄хман̣асуттаван̣н̣ана̄ нит̣т̣хита̄.

8. чхависуттаван̣н̣ана̄

177. ла̄бхасакка̄расилоко нарака̄дӣсу ниббаттентоти идам̣ танниссайам̣ килесаган̣ам̣ сандха̄йа̄ха. ниббаттентоти ниббатта̄пенто. имам̣ мануссааттабха̄вам̣ на̄сети мануссаттам̣ пуна ниббаттитум̣ аппада̄навасена. тасма̄ти дуггатиниббатта̄панато идха маран̣адуккха̄ваханато ча.

чхависуттаван̣н̣ана̄ нит̣т̣хита̄.

9. раджджусуттаван̣н̣ана̄

178. кхара̄ пхаруса̄ чхавиа̄дӣни чхиндане саматтха̄.

раджджусуттаван̣н̣ана̄ нит̣т̣хита̄.

10. бхиккхусуттаван̣н̣ана̄

179. там̣ сандха̄йа̄ти дит̣т̣хадхаммасукхавиха̄расса ока̄са̄бха̄вам̣ сандха̄йа.

бхиккхусуттаван̣н̣ана̄ нит̣т̣хита̄.

татийаваггаван̣н̣ана̄ нит̣т̣хита̄.