8. татийаова̄дасуттаван̣н̣ана̄

151. пуббети пат̣хамабодхийам̣. етарахӣти тато паччхиме ка̄ле. ка̄ран̣апат̣т̣хапанети ка̄ран̣а̄рамбхе. тесу вуттагун̣айуттесу тхересу. тасминти тасмим̣ йатха̄вуттагун̣айутте пуггале. евам̣ сакка̄ре кайирама̄нети ‘‘бхаддако вата̄йам̣ бхиккхӯ’’ти а̄дараджа̄техи бхиккхӯхи сакка̄ре кайирама̄не. име сабрахмача̄рӣ. ‘‘ехи бхиккхӯ’’ти там̣ бхиккхум̣ аттано мукха̄бхимукхам̣ каронта̄ ваданти. йан̃хи танти еттха танти нипа̄таматтам̣ упаддавоти вуччати анаттхаджананато. паттхайати бхаджати баджджхатӣти паттхана̄, абхисан̇готи а̄ха ‘‘абхипаттхана̄ти адхиматтапаттхана̄’’ти.

татийаова̄дасуттаван̣н̣ана̄ нит̣т̣хита̄.