6. ова̄дасуттаван̣н̣ана̄

149. аттано т̣ха̄нети сабрахмача̄рӣнам̣ ова̄дакавин̃н̃а̄пакабха̄вена аттано маха̄са̄вакат̣т̣ха̄не т̣хапанаттхам̣. атха ва̄ йасма̄ ‘‘ахам̣ да̄ни на чирам̣ т̣хасса̄ми, татха̄ са̄рипуттамоггалла̄на̄, айам̣ пана вӣсам̣вассата̄йуко, оваданто ануса̄санто мамаччайена бхиккхӯнам̣ майа̄ ка̄таббакиччам̣ кариссатӣ’’ти адхиппа̄йена бхагава̄ имам̣ десанам̣ а̄рабхи. тасма̄ аттано т̣ха̄нети саттха̄ра̄ ка̄таббаова̄дада̄йакат̣т̣ха̄не. тена̄ха ‘‘евам̣ панасса̄’’тиа̄ди. йатха̄ха бхагава̄ ‘‘овада, кассапа…пе… твам̣ ва̄’’ти. дуккхена ваттабба̄ аппадаккхин̣агга̄хибха̄вато. дуббачабха̄вакаран̣ехӣти кодхӯпана̄ха̄дӣхи. ануса̄санийа̄ падаккхин̣аггахан̣ам̣ на̄ма анудхаммачаран̣ам̣, чхиннапат̣ипатти ката̄ ва̄магга̄хо на̄ма̄ти а̄ха ‘‘ануса̄сани’’нтиа̄ди. атиккамма вадантети ан̃н̃аман̃н̃ам̣ атиккамитва̄ атиман̃н̃итва̄ ваданте. бахум̣ бха̄сиссатӣти дхаммам̣ катхенто ко випулам̣ катва̄ катхессати. асахитанти пуббена̄парам̣ насахитам̣ хетупама̄вирахитам̣. амадхуранти на мадхурам̣ на кан̣н̣асукхам̣ на пеманӣйам̣. лахун̃н̃ева ут̣т̣ха̄ти аппаваттанена кӯлат̣т̣ха̄нам̣ вийа тасса катханам̣.

ова̄дасуттаван̣н̣ана̄ нит̣т̣хита̄.