2. абхисамайасам̣йуттам̣

1. накхасикха̄суттаван̣н̣ана̄

74. сукхума̄ти тарун̣а̄ паритта̄ кесаггаматтабха̄вато. йатха̄ кеса̄ дӣгхасо дван̇гуламатта̄йа саббасмим̣ ка̄ле етаппама̄н̣а̄ва, на таччхинданам̣, евам̣ накхагга̄пи кесаггаматта̄ва, на тесам̣ чхинданам̣ авад̣д̣ханато. паратоти ‘‘сахассимам̣ сатасахассима’’нти вуттат̣т̣ха̄не. абхисаметва̄ти пат̣ивиджджхитва̄, тасма̄ абхисамета̄вино пат̣ивиддхасаччасса̄ти аттхо. ка̄мам̣ пуримападам̣ дуккхаккхандхасса атӣтабха̄вам̣ упа̄да̄йапи ваттум̣ йуттам̣. пуретарам̣йева пана вуттабха̄вам̣ упа̄да̄йа вуттанти дассетум̣ ‘‘пуримам̣ дуккхаккхандха’’нтиа̄ди вуттам̣. пуримам̣ на̄ма паччхимам̣ апеккхитва̄. пуримапаччхимата̄ хи там̣ там̣ упа̄да̄йа вуччатӣти идха̄дхиппетам̣ пуримам̣ нӣхаритва̄ дассетум̣ ‘‘катамам̣ пана̄’’тиа̄ди вуттам̣. ‘‘атӣтампи париккхӣн̣а’’нти идха̄дхиппетам̣ париккхӣн̣амева вибха̄ветум̣ ‘‘катамам̣ пана париккхӣн̣а’’нтиа̄ди вуттам̣. сота̄паннасса дуккхаккхайо идха чодитоти там̣ дассетум̣ ‘‘пат̣хамамаггасса абха̄витатта̄ уппаджджеййа̄’’ти ватва̄ ида̄ни там̣ сарӯпато дассетум̣ пуна ‘‘катама’’нтиа̄ди вуттам̣. саттасу аттабха̄весу йам̣ апа̄йе уппаджджеййа ат̣т̣хамам̣ пат̣исандхим̣ а̄дим̣ катва̄ йаттха каттхачи апа̄йесу ча̄ти йам̣ дуккхам̣ уппаджджеййа, там̣ саббам̣ париккхӣн̣анти дат̣т̣хаббам̣. асса̄ти сота̄паннасса, йам̣ парима̄н̣ам̣, тато уддхан̃ча упапа̄там̣ аттхӣти адхиппа̄йо. маха̄ аттхо гун̣о махаттхо, со етасса аттхӣти махаттхийо ка-ка̄расса йа-ка̄рам̣ катва̄. тена̄ха ‘‘махато аттхасса ниппха̄дако’’ти.

накхасикха̄суттаван̣н̣ана̄ нит̣т̣хита̄.

2. поккхаран̣ӣсуттаван̣н̣ана̄

75. уббедхена̄ти ававедхена адходисата̄йа. тена̄ха ‘‘гамбхӣрата̄йа̄’’ти.

поккхаран̣ӣсуттаван̣н̣ана̄ нит̣т̣хита̄.

3. сам̣бхеджджаудакасутта̄диван̣н̣ана̄

76-77. самбхиджджат̣т̣ха̄нети самбхиджджасамодха̄нагатат̣т̣ха̄не. саменти самета̄ хонти. тена̄ха ‘‘сама̄гаччхантӣ’’ти. па̄л̣ийам̣ вибхаттилопена ниддесоти таматтхам̣ дассенто ‘‘тӣн̣и ва̄’’ти а̄ха. самбхиджджати миссӣбха̄вам̣ гаччхати еттха̄ти самбхеджджам̣, мисситат̣т̣ха̄нам̣. таттха удакам̣ самбхеджджаудакам̣. тена̄ха ‘‘самбхиннат̣т̣ха̄не удака’’нти.

сам̣бхеджджаудакасутта̄диван̣н̣ана̄ нит̣т̣хита̄.

4. патхавӣсутта̄диван̣н̣ана̄

78-84. чаккава̄л̣аббхантара̄йа̄ти чаккава̄л̣апаббатасса антогадха̄йа.

чхат̣т̣ха̄дӣсу вуттанайенева̄ти идха чхат̣т̣хасутта̄дӣсу пат̣хамасутта̄дӣсу вуттанайенева̄ти аттхо ведитаббо висеса̄бха̄вато.

парийоса̄нети имасса абхисамайасам̣йуттасса оса̄нат̣т̣ха̄не. ан̃н̃атиттхийасаман̣абра̄хман̣апарибба̄джака̄нанти ан̃н̃атиттхийа̄нам̣. гун̣а̄дхигамоти джха̄на̄бхин̃н̃а̄сахито гун̣а̄дхигамо. сатабха̄гампи…пе… на упагаччхати саччапат̣иведхасса маха̄нубха̄ватта̄. тена̄ха бхагава̄ паччаккхасаббадхаммо ‘‘евам̣ маха̄дхигамо, бхиккхаве, дит̣т̣хисампанно пуггало евам̣ маха̄бхин̃н̃о’’ти.

патхавӣсутта̄диван̣н̣ана̄ нит̣т̣хита̄.

са̄раттхаппака̄синийа̄ сам̣йуттаника̄йа-ат̣т̣хакатха̄йа

абхисамайасам̣йуттаван̣н̣ана̄йа лӣнаттхаппака̄сана̄ саматта̄.