4. навасуттаван̣н̣ана̄

238. абхичетаси ниссита̄ а̄бхичетасика̄. пат̣ипаккхавидхаманена абхивисит̣т̣хам̣ читтам̣ абхичиттам̣. йасма̄ джха̄на̄нам̣ там̣сампайуттам̣ читтам̣ нисса̄йа паччайо хотийева, тасма̄ ‘‘ниссита̄на’’нти вуттам̣. ника̄мала̄бхӣти йатхиччхитала̄бхӣ. йатха̄париччхедена̄ти йатха̄катена ка̄лапариччхедена. випулала̄бхӣти аппама̄н̣ала̄бхӣ. ‘‘касира’’нти хи париттам̣ вуччати, таппат̣ипаккхена акасирам̣ аппама̄н̣ам̣. тена̄ха ‘‘пагун̣аджджха̄ноти аттхо’’ти. ситхилама̄раббха̄ти ситхилам̣ вӣрийа̄рамбхам̣ катва̄ти аттхоти а̄ха ‘‘ситхилам̣ вӣрийам̣ паваттетва̄’’ти.

навасуттаван̣н̣ана̄ нит̣т̣хита̄.