9. упайантисуттаван̣н̣ана̄

69. наваме удакавад̣д̣ханасамайети саббадивасесу маха̄самуддасса анто махантачандакантаман̣ипаббата̄нам̣ джун̣хасампхассена пахататта̄ джала̄бхисанданавасена удакасса вад̣д̣ханасамайе. упари гаччхантоти пакатийа̄ удакасса тит̣т̣хат̣т̣ха̄насса тато упари гаччхантоти аттхо. упари йа̄петӣти удакам̣ таттха упарӯпари вад̣д̣хети. татха̄бхӯто ча там̣ брӯхенто пӯрентоти вуччатӣти а̄ха ‘‘вад̣д̣хети пӯретӣти аттхо’’ти. йасма̄ паччайадхамма̄ аттано пхаласамава̄йапаччайе хонте тасса упари т̣хито вийа хоти тасса аттано васе ватта̄панато, тасма̄ вуттам̣ ‘‘авиджджа̄ упари гаччхантӣ’’ти. паччайабха̄вена хи са̄ татха̄ вуччати. тена̄ха ‘‘сан̇кха̄ра̄нам̣ паччайо бхавитум̣ саккун̣антӣ’’ти. апагаччханто йа̄йанто. тена̄ха ‘‘осаранто’’ти, авад̣д̣ханто парихӣйама̄ноти аттхо.

упайантисуттаван̣н̣ана̄ нит̣т̣хита̄.