8. лока̄йатикасуттаван̣н̣ана̄

48. а̄йатим̣ хитам̣ тена локо на йатати на ӣхатӣти лока̄йатам̣. на хи там̣ ладдхим̣ нисса̄йа сатта̄ пун̃н̃акирийа̄йа читтампи уппа̄денти, куто пайого, там̣ етасса аттхи, таттха ва̄ нийуттоти лока̄йатико. пат̣хамасаддо а̄диаттхава̄чакатта̄ джет̣т̣хавевачаноти а̄ха ‘‘пат̣хамам̣ лока̄йата’’нти. са̄дха̄ран̣авачанопи локасаддо висит̣т̣хависайо идха̄дхиппетоти а̄ха ‘‘ба̄лапутхуджджаналокасса̄’’ти. иттарабха̄вена лакун̣д̣акабха̄вена тасса випула̄дибха̄вена ба̄ла̄нам̣ упат̣т̣ха̄наматтанти дассенто ‘‘а̄йатам̣ маханта’’нтиа̄дима̄ха. париттанти кхуддакам̣. екасабха̄ванти екам̣ сабха̄вам̣. авипарин̣а̄мадхаммата̄йа̄ти а̄ха ‘‘ниччасабха̄вамева̄ти пуччхатӣ’’ти. пуримасабха̄вена на̄на̄сабха̄ванти пуримасабха̄вато бхиннасабха̄вам̣. паччха̄ на хотӣти паччха̄ кин̃чи на хоти саббасо самуччхиджджанато. тена̄ха ‘‘уччхедам̣ сандха̄йа пуччхатӣ’’ти. екаттанти саббака̄лам̣ аттасамбхавам̣. татха̄ чева гахан̣ена двепи ва̄да̄ сассатадит̣т̣хийо хонти. наттхи на хоти. путхуттам̣ на̄на̄сабха̄вам̣, екарӯпам̣ на хотӣти ва̄ гахан̣ена двепи ва̄да̄ уччхедадит̣т̣хийоти.

лока̄йатикасуттаван̣н̣ана̄ нит̣т̣хита̄.