3. н̃а̄н̣аваттхусуттаван̣н̣ана̄

33. н̃а̄н̣амева н̃а̄н̣аваттху сампаттӣнам̣ ка̄ран̣абха̄вато. чатӯсӯти чатусаччасса бодханавасена вуттесу чатӯсу н̃а̄н̣есу. пат̣хаманти ‘‘джара̄маран̣е н̃а̄н̣а’’нти евам̣ вуттам̣ н̃а̄н̣ам̣, йена дха̄ран̣апаричайаманасика̄равасена паваттам̣ саббам̣ ган̣хи. санничайан̃а̄н̣амайам̣ саванамайам̣ на̄матвева ведитаббам̣. сабха̄вато паччайато часса паригган̣ханан̃а̄н̣ам̣ саммасанан̃а̄н̣ам̣твева ведитаббам̣. джара̄маран̣асӣсена четтха джара̄маран̣авантова дхамма̄ гахита̄. пат̣иведхан̃а̄н̣анти асаммохато пат̣ивиджджханан̃а̄н̣ам̣. имина̄ дхаммена̄ти хетумхи каран̣авачанам̣. имасса хи дхаммасса адхигамахету айам̣ арийо атӣта̄на̄гате найенапи чатусаччадхамме абхисамбуджджхати. магган̃а̄н̣амева пана атӣта̄на̄гате найанасадисам̣ катва̄ дассетум̣ ‘‘магган̃а̄н̣адхаммена ва̄’’ти дутийавикаппо вутто. еван̃хи ‘‘ака̄лика’’нти саматтхитам̣ хоти.

н̃а̄н̣ачаккхуна̄ дит̣т̣хена̄ти дхаммачаккхубхӯтена н̃а̄н̣ачаккхуна̄ асаммохапат̣иведхавасена паччаккхато дит̣т̣хена. пан̃н̃а̄йа видитена̄ти маггапан̃н̃а̄йа татхева видитена. йасма̄ татха̄ дит̣т̣хам̣ видитам̣ саббасо паттам̣ маха̄упа̄йо хоти, тасма̄ вуттам̣ ‘‘парийога̄л̣хена̄’’ти. дит̣т̣хена̄ти ва̄ дассанена, дхаммам̣ пасситва̄ т̣хитена̄ти аттхо. видитена̄ти чатта̄ри сачча̄ни видитва̄ па̄кат̣а̄ни катва̄ т̣хитена. ака̄ликена̄ти на ка̄лантаравипа̄када̄йина̄. паттена̄ти чатта̄ри сачча̄ни патва̄ т̣хитатта̄ дхаммам̣ паттена. парийога̄л̣хена̄ти чатусаччадхамме парийога̄хитва̄ т̣хитена. атӣта̄на̄гате найам̣ нетӣти атӣте ча ана̄гате ча найам̣ нети харати песети. идам̣ пана паччавеккхан̣ан̃а̄н̣асса киччам̣, саттха̄ра̄ пана магган̃а̄н̣ам̣ атӣта̄на̄гате найанасадисам̣ катам̣ там̣мӯлакатта̄. атӣтамаггасса хи паччавеккхан̣ам̣ на̄ма хоти, тасма̄ магган̃а̄н̣ам̣ найанасадисам̣ катам̣ на̄ма хоти, паччавеккхан̣ан̃а̄н̣ена пана найам̣ нети. тена̄ха ‘‘еттха ча̄’’тиа̄ди. йатха̄ пана тена найам̣ нети. там̣ а̄ка̄рам̣ дассетум̣ ‘‘йе кхо кечӣ’’тиа̄ди вуттам̣. еттха ча найануппа̄данам̣ найан̃а̄н̣ассева паваттивисесо. тена вуттам̣ ‘‘паччавеккхан̣ан̃а̄н̣асса кичча’’нти. кин̃ча̄пи ‘‘имина̄ти магган̃а̄н̣адхаммена ва̄’’ти вуттам̣, дувидхам̣ пана маггапхалан̃а̄н̣ам̣ саммасанан̃а̄н̣апаччавеккхан̣а̄йа мӯлака̄ран̣ам̣, на найанасса̄ти дувидхена н̃а̄н̣адхаммена̄ти на на йуджджати. татха̄ чатусаччадхаммасса н̃а̄татта̄ маггапхаласан̇кха̄тасса ва̄ дхаммасса саччапат̣иведхасампайогам̣ гататта̄ ‘‘найанам̣ хотӯ’’ти тена ‘‘имина̄ дхаммена̄’’ти н̃а̄н̣асса висайабха̄вена н̃а̄н̣асампайогена тадан̃а̄тена̄ти ча аттхо на на йуджджати. ануайети дхамман̃а̄н̣асса анурӯпавасена айе буджджханан̃а̄н̣е дит̣т̣ха̄нам̣ адит̣т̣ха̄найанато адит̣т̣хасса дит̣т̣хата̄йа н̃а̄панато ча. тена̄ха ‘‘дхамман̃а̄н̣асса анугамане н̃а̄н̣а’’нти. кхӣн̣а̄савасса секкхабхӯми на̄ма аггамаггаккхан̣о. касма̄ панетам̣ евам̣ вуттанти че? ‘‘евам̣ джара̄маран̣ам̣ паджа̄на̄тӣ’’тиа̄дина̄ ваттама̄навасена десана̄йа паваттатта̄.

н̃а̄н̣аваттхусуттаван̣н̣ана̄ нит̣т̣хита̄.