7. паччайасуттаван̣н̣ана̄

27. пат̣ипа̄т̣ийа̄ти пат̣ипа̄т̣ийа̄ т̣хапанена. чатусаччайоджанам̣ дассетум̣ парийоса̄на…пе… а̄ди вуттам̣. дуккхасаччавасена̄ти парин̃н̃еййабха̄вавасена. джара̄маран̣а̄падесена хи пан̃чупа̄да̄наккхандха̄ вутта̄, те часса аттано пхаласса паччайа̄ на хонти. там̣ сандха̄йа вуттам̣ ‘‘паччайам̣ джа̄на̄тӣ’’ти. винеййаджджха̄сайавасена хеттха десана̄ паватта̄. сампанноти саманна̄гато. а̄гатоти упагато, адхигатоти аттхо. пассатӣти паччавеккхан̣ан̃а̄н̣ена паччаккхато пассати, маггапан̃н̃а̄йа евам̣ асаммохапат̣иведхавасена пассати. магган̃а̄н̣енева, на пхалан̃а̄н̣ена. дхаммасотам̣ сама̄панноти арийадхаммасотам̣ саммадева а̄панно патто. анайе наирийанато, айе ча ирийанато, садевакена ча локена ‘‘саран̣а’’нти акаран̣ӣйато арийапаккхам̣ бхаджанто путхуджджанабхӯмим̣ атикканто. ниббедхикапан̃н̃а̄йа̄ти чатуннам̣ арийасачча̄нам̣ ниббиджджханакапан̃н̃а̄йа. а̄хачча тит̣т̣хати маггаккхан̣е, пхалаккхан̣е пана а̄хачча т̣хито на̄ма.

паччайасуттаван̣н̣ана̄ нит̣т̣хита̄.