10. моггалла̄насуттаван̣н̣ана̄

218. паччавеккхатӣти тесам̣ арийа̄нам̣ читтам̣ аттано н̃а̄н̣ачаккхуна̄ пати авеккхати паччавеккхати. паббатасса̄ти исигилипаббатасса. дуккхапа̄рам̣ гатанти ват̣т̣адуккхасса па̄рам̣ парийантам̣ гатам̣. саббагун̣асампаннанти саббехи буддхагун̣ехи ча са̄вакагун̣ехи ча парипун̣н̣ам̣. анека̄ка̄расампаннанти рӯпагхосалӯкхадхаммаппама̄н̣ика̄нам̣ сатта̄нам̣ техи техи а̄ка̄рехи саббесан̃ча анекехи ананта̄паримеййехи пасӣдитабба̄ка̄рехи саманна̄гатам̣. те пана а̄ка̄ра̄ йасма̄ анан̃н̃аса̄дха̄ран̣а̄ буддхагун̣а̄ ева, тасма̄ а̄ха ‘‘анекехи гун̣ехи саманна̄гата’’нти.

моггалла̄насуттаван̣н̣ана̄ нит̣т̣хита̄.