6. брахмалокасуттаван̣н̣ана̄

177. паччекам̣ два̄раба̄ханти паччекам̣ два̄раба̄хам̣. паччека-саддо четтха а̄вуттивасена ведитаббо; ‘‘паччекам̣ паччека’’нти а̄ха ‘‘екеко екека’’нти. тесу хи еко паччекабрахма̄ гандхакут̣ийа̄ екадва̄раба̄хам̣ нисса̄йа т̣хито, апаро ан̃н̃ам̣. паччекабрахма̄ти ча екача̄рӣ брахма̄, на парисача̄рӣ брахма̄ти аттхо. самиддхи на̄ма сагге сукхупакаран̣ехи, брахма̄нан̃ча джха̄нам̣ сукхупакаран̣анти джха̄насукхена самиддхоти. сампаттийа̄ вепуллаппаттата̄ брахма̄нан̃ча абхин̃н̃а̄гун̣ехи вепуллаппаттӣти а̄ха ‘‘пхӣтоти абхин̃н̃а̄пуппхехи супуппхито’’ти. асахантоти насаханто нароченто.

сатападанти сатасаддо. рӯпавасена̄ти рӯпасаддавасена, рӯпасаддена саддхинти аттхо. татха̄ пантивасена̄ти еттха̄пи. екаччети еке мига̄рӣ, тесам̣ бйаггхӣниса̄рӯпака̄нам̣ пан̃часата̄нӣти аттхо. ‘‘касса ан̃н̃асса упат̣т̣ха̄нам̣ гамисса̄мӣ’’ти вима̄насампаттийам̣ вимхайаккхико ахан̇ка̄равасена вадати. ран̣анти нинданти етехӣти ран̣а̄, доса̄. виродхипаччайасаннипа̄те вика̄руппатти руппанам̣ рӯпасса паведхананти а̄ха ‘‘сӣта̄дӣхи ча ниччам̣ паведхита’’нти. сумедхо сундарапан̃н̃о со саттха̄ рӯпе на рамати, ким̣ пана мандапан̃н̃о рӯпе саран̣ан̃ча паведхитан̃ча апассанто рамасӣти адхиппа̄йо.

брахмалокасуттаван̣н̣ана̄ нит̣т̣хита̄.