2. га̄равасуттаван̣н̣ана̄

173. айам̣ витаккоти айам̣ ‘‘кинта̄хам̣ вихареййа’’нти евам̣ паваттитавитакко. ан̃н̃асминти парасмим̣. атта̄ на хотӣти хи ан̃н̃о, паро. со панеттха на йо кочи адхиппето, атха кхо гарут̣т̣ха̄нӣйо. тена̄ха ‘‘кан̃чи гарут̣т̣ха̄не ат̣т̣хапетва̄’’ти. патиссавати гаруно ‘‘а̄ма̄’’ти сампат̣иччхатӣти патиссо, на патиссоти аппатиссо. патиссайарахито гарупассайарахитоти аттхо.

садевакети авайавена виггахо самуда̄йо сама̄саттхо. садевакаггахан̣ена пан̃чака̄ма̄вачарадеваггахан̣ам̣ па̄рисесан̃а̄йена итаресам̣ падантарехи сан̇гахитатта̄, сама̄ракаггахан̣ена чхат̣т̣хака̄ма̄вачарадеваггахан̣ам̣ пачча̄саттин̃а̄йена. таттха хи ма̄ро джа̄то таннива̄сӣ ча хоти. сабрахмакавачанена брахмака̄йика̄дибрахмаггахан̣ам̣ пачча̄саттин̃а̄йенева. ‘‘сассаман̣абра̄хман̣ийа̄ паджа̄йа̄’’ти са̄санасса паччаттхикасаман̣абра̄хман̣аггахан̣ам̣. нидассанаматтан̃четам̣ апаччаттхика̄нам̣ асамитапа̄па̄нам̣ аба̄хитапа̄па̄нан̃ча саман̣абра̄хман̣а̄нам̣ тенева вачанена гахитатта̄. ка̄мам̣ ‘‘садеваке’’тиа̄дивисесана̄нам̣ васена саттависайо локасаддоти вин̃н̃а̄йати тулйайогависайатта̄ тесам̣. ‘‘саломако сапаккхако’’тиа̄дӣсу пана атулйайогепи айам̣ сама̄со лаббхатӣти бйабхича̄радассанато паджа̄гахан̣анти паджа̄вачанена сатталокаггахан̣ам̣. девабха̄васа̄ман̃н̃ена ма̄рабрахмесу гахитесупи итарехи тесам̣ лаббхама̄нависесадассанаттхам̣ висум̣ гахан̣анти дассенто ‘‘ма̄ро на̄ма̄’’тиа̄дима̄ха. ма̄ро брахма̄нампи вичаккхукамма̄йа пахотӣти а̄ха ‘‘саббеса’’нти. упарӣти упарибха̄ве. брахма̄ти дасасахассибрахма̄нам̣ сандха̄йа̄ха. татха̄ ча̄ха ‘‘дасахи ан̇гулӣхӣ’’тиа̄ди. идха дӣгханика̄йа̄дайо вийа ба̄хирака̄нампи гантханика̄йо лаббхатӣти а̄ха ‘‘еканика̄йа̄дивасена̄’’ти.

ваттхувиджджа̄дӣти а̄ди-саддена виджджа̄т̣т̣ха̄на̄ни сан̇гахита̄ни. йатха̄сакам̣ каммакилесехи паджа̄татта̄ ниббаттатта̄ паджа̄, саттаника̄йо. тасса̄ паджа̄йа. садеваманусса̄йа̄ти ва̄ имина̄ саммутидеваггахан̣ам̣ тадавасит̣т̣хамануссалокаггахан̣ан̃ча дат̣т̣хаббам̣. евам̣ бха̄гасо локам̣ гахетва̄ йоджанам̣ дассетва̄ ида̄ни абха̄гасо локам̣ гахетва̄ йоджанам̣ дассетум̣ ‘‘апичеттха̄’’тиа̄ди вуттам̣. локавасена вутта̄ни ‘‘локӣйанти еттха каммакаммапхала̄нӣ’’ти катва̄, паджа̄васена ‘‘хетупаччайехи паджа̄йатӣ’’ти катва̄. сӣласампаннатаранти еттха парипун̣н̣асампанната̄ адхиппета̄ ‘‘сампаннам̣ са̄ликеда̄ра’’нтиа̄дӣсу (джа̄. 1.14.1) вийа. тена̄ха ‘‘адхикатаранти аттхо’’ти. парипун̣н̣ампи ‘‘адхикатара’’нти ваттаббатамарахати. сесесӯти ‘‘сама̄дхисампаннатара’’нтиа̄дӣсу.

ка̄ран̣антиа̄дӣсу ка̄ран̣анти йуттим̣. аттханти авипарӣтаттхам̣. вуд̣д̣хинти абхивуд̣д̣хинимиттам̣.

имина̄ вачанена̄ти имасмим̣ сутте анантарам̣ вуттавачанена. на кевалам̣ имина̄ва, суттантарампи а̄нетва̄ пат̣иба̄хитабботи дассенто ‘‘на ме а̄чарийо аттхӣ’’тиа̄дима̄ха. еттха йам̣ ваттаббам̣, там̣ суман̇галавила̄синийа̄ дӣгханика̄йат̣т̣хакатха̄йа (дӣ. ни. ат̣т̣ха. 3.162) вуттамева. саранти каран̣е етам̣ паччаттавачананти а̄ха ‘‘сарантена̄’’ти, саранти ва̄ саран̣ахетӯти аттхо.

га̄равасуттаван̣н̣ана̄ нит̣т̣хита̄.