4. виджайа̄суттаван̣н̣ана̄

165. пан̃ча ан̇га̄ни етасса̄ти пан̃чан̇гам̣, пан̃чан̇гамева пан̃чан̇гикам̣, тена пан̃чан̇гикена. а̄татантиа̄дӣсу а̄татам̣ на̄ма чаммапарийонаддхесу бхериа̄дӣсу екаталам̣ тӯрийам̣. витатам̣ на̄ма убхайаталам̣. а̄татавитатам̣ на̄ма тантибаддхавӣн̣а̄ди. сусирам̣ вам̣са̄ди. гханам̣ самма̄ди. татаа̄дивисесопи а̄татамева̄ти ‘‘чаммапарийонаддхесӯ’’ти висесанам̣. екаталам̣ кумбхатхӯн̣ададдара̄ди. убхайаталам̣ бхеримудин̇га̄ди. чаммапарийонаддхам̣ сесам̣ тантибаддхам̣ саббам̣ а̄татавитатам̣ на̄ма, гомукхӣа̄дӣнампи еттхева сан̇гахо дат̣т̣хаббо. вам̣са̄дӣти а̄дисаддена сан̇кхасин̇га̄нампи сан̇гахо. саммата̄л̣а-кам̣сата̄л̣а-сила̄та̄л̣а-сала̄ката̄л̣а̄ди самма̄ди на̄ма. таттха саммата̄л̣ам̣ на̄ма дан̣д̣амайата̄л̣ам̣, кам̣самайата̄л̣ам̣ кам̣сата̄л̣ам̣, сила̄йам̣ айопаттена ча та̄л̣аната̄л̣ам̣. саббе ка̄магун̣е. уггхаритапаггхаритат̣т̣хена̄ти упари гхаран̣ена ча виссанданена ча. еванти ‘‘имина̄ пӯтика̄йена̄’’ти. арӯпат̣т̣ха̄йиноти сатта̄дхит̣т̣ха̄нена̄йам̣ дхаммадесана̄ти а̄ха ‘‘саббаттха̄ти саббесу рӯпа̄рӯпабхавесӯ’’ти. тесам̣ двиннам̣ рӯпа̄рӯпабхава̄нам̣ гахитатта̄. бхавабха̄васа̄ман̃н̃ато, тададхит̣т̣ха̄нато гахите ка̄мабхаве. авиджджа̄тамо вихато аггамаггена самуггха̄титатта̄.

виджайа̄суттаван̣н̣ана̄ нит̣т̣хита̄.