6. рохитассасуттаван̣н̣ана̄

107. екока̄сети чаккава̄л̣асса парийантасан̃н̃ите екасмим̣ ока̄се. бхумманти ‘‘йаттха̄’’ти идам̣ бхуммавачанам̣, са̄ман̃н̃ато вуттампи ‘‘со локасса анто’’ти вачанато висит̣т̣хависайамева хоти. ‘‘на джа̄йати на мӣйатӣ’’ти ватва̄ пуна ‘‘на чавати на упападжджатӣ’’ти касма̄ вуттанти а̄ха ‘‘идам̣ апара̄парам̣…пе… гахита’’нти. падагаманена̄ти падаса̄ гаманена. сан̇кха̄ралокасса антам̣ сандха̄йа вадати упари сачча̄ни пака̄сетука̄мо. сан̇кха̄ралокасса хи анто нибба̄нам̣.

дал̣хам̣ тхирам̣ дхану етасса̄ти дал̣хадханва̄. со ева дал̣хадхаммоти вутто. тена̄ха ‘‘дал̣хадханӯ’’ти. уттамаппама̄н̣ена̄ти сахассатха̄маппама̄н̣ена. дханусиппасиккхитата̄йа дхануггахо, на дхануггахаматтена̄ти а̄ха ‘‘дхануггахоти дхануа̄чарийо’’ти. ‘‘дхануггахо’’ти ватва̄ ‘‘сиккхито’’ти вутте дханусиккха̄йа сиккхитоти вин̃н̃а̄йати, сиккха̄ ча еттаке ка̄ле саматтхасса уккам̣сагато хотӣти а̄ха ‘‘даса два̄даса васса̄ни дханусиппам̣ сиккхито’’ти. усабхаппама̄н̣епӣти вӣсатийат̣т̣хийо усабхам̣, тасмим̣ усабхаппама̄н̣е падесе. ва̄лагганти ва̄л̣акот̣им̣. катахаттхоти паричитахаттхо. катасараккхепоти виват̣асараккхепападесадассанавасена сараккхепаката̄вӣ. тена̄ха ‘‘дасситасиппо’’ти. ‘‘катасиппо’’ти кечи. асанти етена̄ти асанам̣, кан̣д̣о. та̄лаччха̄йанти та̄лаччха̄дим̣, са̄ пана ратанаматта̄, видаттхичатуран̇гула̄ ва̄.

пураттхимасамудда̄ти екасмим̣ чаккава̄л̣е пураттхимасамудда̄. самуддасӣсена пураттхимачаккава̄л̣амукхават̣т̣им̣ вадати. паччхимасамуддоти еттха̄пи есева найо. ниппапан̃чатанти адандхака̄ритам̣. сампаттети та̄дисена джавена гаччхантена сампатте. анотаттети еттха̄пи ‘‘сампатте’’ти падам̣ а̄нетва̄ самбандхо, татха̄ ‘‘на̄галата̄дантакат̣т̣хам̣ кха̄дитва̄’’ти еттха̄пи. тада̄ти йада̄ со локантагавесако ахоси, тада̄. дӣгха̄йукака̄лоти анекавассасахасса̄йукака̄ло. чаккава̄л̣алокасса̄ти са̄ман̃н̃авасена екавачанам̣, чаккава̄л̣алоканти аттхо. имасмим̣йева чаккава̄л̣е ниббатти пуббапаричарийасиддха̄йа никантийа̄. сасан̃н̃имхи саманакети на рӯпадхаммаматтаке, атха кхо пан̃чаккхандхасамуда̄йети дассети. самитапа̄поти самуччхиннасам̣килесадхаммо.

рохитассасуттаван̣н̣ана̄ нит̣т̣хита̄.