4. аччайасуттаван̣н̣ана̄

270. сампайоджесунти ан̃н̃аман̃н̃ам̣ ва̄часикам̣ пхарусам̣ пайоджесум̣. тена̄ха ‘‘калахам̣ акам̣сӯ’’ти, вива̄дам̣ акам̣сӯти аттхо. атиккаммавачананти вачӣсам̣варам̣ атиккамитва̄ вачанам̣. йасма̄ аччайе десийама̄не там̣ кхӣн̣айати ан̃н̃аман̃н̃асса кхамама̄насса кхаманам̣ пат̣игган̣хато, тасма̄ вуттам̣ ‘‘наппат̣иган̣ха̄тӣти на кхаматӣ’’ти. тумха̄кам̣ васе ваттату, висевитам̣ акатва̄ йатха̄ка̄макаран̣ӣйо хоту. миттадхаммо идха уттарападалопена ‘‘митто’’ти вуттоти а̄ха ‘‘миттадхамме’’ти. каран̣авачананти ‘‘миттехӣ’’ти каран̣авачанам̣ бхумматтхе. тена̄ха ‘‘миттесӯ’’ти. йатха̄ ниббаттасабха̄васса бха̄вато ан̃н̃атхаттам̣ джара̄, евам̣ миттабха̄вато вуттавипарийа̄йо амиттадхаммо джара̄парийа̄йена вутто. ага̄райхам̣ анаваджджам̣ саббасо пахӣнакилесам̣. тена̄ха ‘‘кхӣн̣а̄савапуггала’’нти.

аччайасуттаван̣н̣ана̄ нит̣т̣хита̄.