3. дуббан̣н̣ийасуттаван̣н̣ана̄

268. дуббан̣н̣о дуддасико вирӯпаван̣н̣о. окот̣имакоти рассабха̄вена аваракот̣имако. саккена гахитана̄мамеветам̣, на пана со татха̄рӯпо кочи йаккхо. тена̄ха ‘‘еко рӯпа̄вачарабрахма̄’’ти. йади евам̣ касма̄ со татха̄рӯпо хутва̄ а̄гатоти а̄ха ‘‘сакко кира̄’’ти. катхам̣ панеттха н̃а̄йати ‘‘со еко рӯпа̄вачарабрахма̄, на панесо аваруддхакайаккхо’’ти йуттим̣ дассенто ‘‘аваруддхакайаккха̄ пана̄’’тиа̄дима̄ха. дева̄нам̣ вачанам̣ сутва̄. пхарусена̄ти пхарусасама̄ча̄рена. ‘‘ко на̄ма майхам̣ а̄сане саннисинно’’ти аккхантим̣ ануппа̄денто кхантийам̣ т̣хатва̄. балавачиттӣка̄ранти гарутарам̣ сакка̄рабахума̄нам̣. нӣчавуттийа̄ти параманипаччака̄ре сувӯпасамане ча дассийама̄не. саккасса та̄йа ева а̄ча̄расампаттийа̄ сакка̄сане т̣ха̄тум̣, аттано ча а̄вика̄тум̣ асакконто антарадха̄йи. упахатачиттомхӣти кхантиметта̄нуддайа̄саббха̄вато парасмим̣ упахатачиттомхӣти сакко аттано сабха̄вам̣ вадати. кодхавасе ваттетунти кодхена аттано васе ниббаттетум̣ на сукаромхи, атха кхо кодхам̣ майхам̣ васе на ваттемӣти адхиппа̄йо. чирам̣ на куджджха̄мӣти йади ме када̄чи кодхо уппаджджеййа, там̣ кодхам̣ ануваттенто чирака̄лам̣ на куджджха̄ми. на упанайха̄мӣти анто саче ме кодхо уппаджджеййа, кхиппамева ча нам̣ пат̣ивинеййанти там̣ ме пуббева ватам̣ парипӯритам̣.

дуббан̣н̣ийасуттаван̣н̣ана̄ нит̣т̣хита̄.