9. пат̣хамасукка̄суттаван̣н̣ана̄

243. ратхиканти раччхам̣. гахетва̄ти гантва̄. син̇гха̄т̣аканти ан̃н̃аттха тикон̣а̄ раччха̄ вуччати. идха пана ‘‘чатукка’’нти вуттам̣. ‘‘мадхупӣка̄’’ти еттха мадху-саддена мадхувисесо вуччатӣти а̄ха ‘‘гандхамадхупа̄нам̣ пӣта̄ вийа̄’’ти. са̄ман̃н̃аджотана̄ хи висесе тит̣т̣хатӣти гандхамадхӯти ча ативийа мадхуро маданийо еко мадхувисесо. тена̄ха ‘‘асан̃н̃ӣ хутва̄ сайатева̄’’ти.

на пат̣ива̄нӣйам̣ на апанетаббанти аппат̣ива̄нӣйам̣. тена̄ха ‘‘ба̄хиракан̃хӣ’’тиа̄ди. йам̣ кин̃чи сантапан̣ӣтабха̄ва̄вахам̣ на сечананти асечанакам̣. тато ева ана̄ситтакам̣. оджавантанти бахусамматаоджавантасадисата̄йа оджавантам̣. тена̄ха ‘‘йатха̄ хӣ’’тиа̄ди. дхаммата̄йа̄ти аттано сабха̄венева. мадхуро ит̣т̣хо. пивантӣ вийа̄ти сукка̄йа бхиккхунийа̄ упанӣйама̄нам̣ саддхамма̄матарасам̣ аттано сотан̃джалим̣ пӯретва̄ одахантӣва. вала̄хакато а̄гатам̣ вала̄хакам̣.

пат̣хамасукка̄суттаван̣н̣ана̄ нит̣т̣хита̄.