5. са̄нусуттаван̣н̣ана̄

239. йаккхена гахито хотӣти йаккхена анупавит̣т̣хо хоти. тасса йаккхагахан̣асса ка̄ран̣ам̣ мӯлато пабхути виттха̄рато дассетум̣ ‘‘со’’тиа̄дима̄ха. тасса антимабхавикатта̄ а̄дито пат̣т̣ха̄йа адхисӣласиккха̄йа саккаччам̣ пӯран̣анти дассети ‘‘со паббаджитака̄лато’’тиа̄дина̄. пачча̄ха̄ранти пат̣иккхепам̣. имасмим̣ сарабхан̃н̃ети имасмим̣ мама дхаммабхан̣ане. паттинти паттида̄нам̣. пийа̄ хонти, тена̄ха бхагава̄ ‘‘а̄кан̇кхеййа че, бхиккхаве, бхиккху ‘сабрахмача̄рӣнам̣ пийо ча ассам̣ мана̄по ча гару ча бха̄ванӣйо ча̄’ти, сӣлесвевасса парипӯрака̄рӣ’’ти (ма. ни. 1.65). татха̄ ча̄ха ‘‘тасмим̣ са̄ман̣ере’’тиа̄ди.

вуд̣д̣химанва̄йа̄ти йоббанаппаттийа̄ ан̇гапаччан̇га̄нам̣ паривуд̣д̣хима̄гамма. ка̄масамбхогасаматтхата̄васена парипаккиндрийо. ануйоджетва̄ва̄ти виссаджджетва̄ва, гихибха̄ве ва̄ ануйоджетва̄ва. ‘‘пуббе туйхам̣ путто сӣлава̄ калйа̄н̣адхаммо ладжджӣ куккуччако сиккха̄ка̄моти самбха̄вито, ида̄ни тато ан̃н̃атха̄ джа̄то’’ти гхосана̄васена девата̄нам̣ антаре ма̄хева ме ладжджам̣ уппа̄деййа.

па̄т̣иха̄рийапаккхан̃ча̄ти ча̄туддасӣпан̃чадасӣат̣т̣хамӣнам̣ йатха̄ккамам̣ а̄дито антато а̄диантато ча павесананиккхаманавасена упосатхасӣласса пат̣и пат̣и абхимукхам̣ пачча̄вахитаббапаккхан̃ча. терасийа̄пӣти парам̣ саттамӣнавамӣсупӣти аттхо. павесабхӯтан̃хи упосатхасӣласса саттамӣсу сама̄диннам̣ сӣлам̣ пат̣ипадам̣, навамӣсу никкхамабхӯтанти а̄чарийа̄. пора̄н̣ат̣т̣хакатха̄йам̣ пана паччуггамана̄нугаманапарийа̄йена вуттанти а̄ха ‘‘манусса̄’’тиа̄ди. ад̣д̣хама̄санти сакалака̄лапаккхам̣. еван̃хи вассава̄сасса анугаманам̣ гатам̣ хоти. сут̣т̣ху сама̄гатанти супарисуддхам̣ сампаннам̣ катва̄ аттано санта̄нам̣ а̄гатам̣. там̣ пана аттано читтена самам̣ пака̄рехи йуттам̣ хотӣти а̄ха ‘‘сампайутта’’нти. араханта̄нам̣ анукаран̣ена сет̣т̣хачарийам̣. ‘‘на те хи йаккха̄ кӣл̣антӣ’’ти аттано путтасса ка̄йе адхимуччанам̣ аттано кӣл̣анам̣ вийа хотӣти катва̄ а̄ха.

упа̄сика̄ йатха̄вуттаупосатхасӣлена сӣлаватӣ, са̄ман̣еро пана аттано са̄ман̣ерасӣлена сӣлава̄. уппатитва̄ти а̄ка̄се уппатитва̄. моккхо наттхи дуккха̄вахасса каммасса катӯпачитатта̄.

дувидхепи ка̄мети ваттхука̄макилесака̄ме. килесака̄мам̣ париччаджанто ева хи ваттхука̄ме париччаджати на̄ма. виббхаманавасена а̄гаччхати бхиккха̄йа а̄хин̣д̣ана̄дипаббаджитакиччато. уппаббаджитва̄ вигатасӣласса джӣвато а̄на̄па̄наматтена джӣвантопи со матакова. вуттан̃хетам̣ ‘‘маран̣ан̃хетам̣, сунаккхатта, арийасса винайе, йо сиккхам̣ паччаккха̄йа хӣна̄йа̄ваттатӣ’’ти (ма. ни. 3.45).

ун̣хат̣т̣хена̄ти сапарил̣а̄хат̣т̣хена. абхидха̄ватха̄ти абхидха̄ватӣти имасмим̣ абхидха̄ванакичче бхаддам̣ те хотӯти ватва̄ гихибха̄ва̄йа абхидха̄ватха. нӣхаритва̄ти никкха̄метва̄. ека̄дасахи аггӣхи а̄диттатта̄ маха̄д̣а̄хасадисе. саллаккхетва̄ти гихибха̄ве а̄дӣнавам̣, паббаджджа̄йа а̄нисам̣сан̃ча саллаккхетва̄. хироттаппам̣ пат̣илабхитва̄ ‘‘мама уппаббаджитука̄матам̣ сабрахмача̄рино джа̄ниссантӣ’’ти. чатуннам̣ париса̄нам̣ читтасан̇кхобхавасена сакаладжамбудӣпам̣ кхобхетва̄.

са̄нусуттаван̣н̣ана̄ нит̣т̣хита̄.