7. аппат̣ивидитасуттаван̣н̣ана̄

7. паваттиниваттитадубхайахетувибха̄гасса дхаммассапи чатусаччантогадхатта̄ а̄ха ‘‘дхамма̄ти чатусаччадхамма̄’’ти. чатта̄рипи хи арийасачча̄ни чатусаччантогадха̄ни. аппат̣ивиддха̄ти парин̃н̃а̄бхисамайа̄дивасена анабхисамита̄. дит̣т̣хигатава̄десӯти дит̣т̣хигатасан̃н̃итесу ва̄десу. дит̣т̣хигатехи те паваттита̄. ито паресанти ито са̄саникехи паресам̣ ан̃н̃есам̣. дхаммата̄йа̄ти сабха̄вена, сайамева̄ти аттхо. гаччхантӣти паваттанти дит̣т̣хива̄дам̣ паггайха тит̣т̣ханти. парена̄ти дит̣т̣хигатикена. нӣйантӣти дит̣т̣хива̄дасан̇ган̣хане уййоджӣйанти. тена̄ха ‘‘таттха̄’’тиа̄ди. пабуджджхитунти пама̄данидда̄йа пат̣ибуджджхитум̣. пат̣ипада̄ йатха̄деситасса дхаммасса катхитата̄йа, пат̣ибуджджхитум̣ йонисо паваттийама̄натта̄ бхаддика̄.

хетуна̄ти н̃а̄йена. ка̄ран̣ена̄ти чатусачча̄нам̣ самбодхайуттийа̄. хаттхатале а̄малакам̣ вийа саббам̣ н̃еййам̣ джа̄на̄тӣти саббан̃н̃ӯ, тенева саббан̃н̃ута̄бхисамбодхена буддхоти саббан̃н̃убуддхо. паччекам̣ парехи аса̄дха̄ран̣ата̄йа висум̣ сайамбхун̃а̄н̣ена сачча̄ни буддхава̄ти паччекабуддхо. паропадесена чатусаччам̣ буджджхатӣти чатусаччабуддхо. татха̄ хи со сайамбхута̄йа абха̄вато кевалам̣ чатусаччабуддхоти вуччати. сутена сутамайан̃а̄н̣ена кхандха̄дибхедам̣ н̃еййам̣ буддхава̄ти сутабуддхо. саббан̃н̃убуддхапаччекабуддхе т̣хапетва̄ авасеса̄ аггаса̄вакамаха̄са̄вака̄пи пакатиса̄вака̄пи вӣтара̄га̄ авасеса̄ кхӣн̣а̄сава̄. тайопи пурима̄ ват̣т̣анти самбуддха̄тиа̄дивачанато. саннивасати етена̄ти саннива̄со, чаритам̣. локасса саннива̄со локасаннива̄со, тасмим̣. ка̄йадуччарита̄дибхеде висаме. сатисаммосена висаме ва̄ саттаника̄йе. со хи висамайогато висамо. ра̄гависама̄дике висаме ва̄ килесаджа̄те. там̣ висамам̣ паха̄йа там̣ висамам̣ аджджхупеккхитва̄ самам̣ садисам̣ йуттарӯпам̣, пуримакехи ва̄ самбуддхехи самам̣ садисам̣ чаранти ваттанти.

аппат̣ивидитасуттаван̣н̣ана̄ нит̣т̣хита̄.