катхинабхедам̣

катхинааттхата̄диван̣н̣ана̄

403. катхине кхандхакети катхинаккхандхаке. пуббети катхинаккхандхаке.

404. пайогасса̄ти еттха пайого на̄ма коти а̄ха ‘‘чӣварадхована̄дино’’тиа̄ди. еттха а̄дисаддена вича̄ран̣ачхеданабаддханасиббанараджанакаппабиндуа̄дийана̄ни чха пуббакаран̣а̄ни сан̇ган̣ха̄ти. удака̄харан̣а̄дико йо пайого карӣйатӣти йоджана̄. анантаро на̄ма атӣта̄нантараана̄гата̄нантаравасена дувидхо, идха ана̄гата̄нантаройева адхиппетоти а̄ха ‘‘ана̄гатавасена̄’’ти. удака̄харан̣а̄дипайоге хи уппанне паччха̄ дхована̄дипуббакаран̣асса уппаттито таппайогасса ана̄гатавасенева паччайо. саманантарапаччайена̄ти еттха сам̣саддо сут̣т̣хуаттхоти а̄ха ‘‘сут̣т̣ху анантарапаччайена̄’’ти. ‘‘а̄саннатара’’нти имина̄ сут̣т̣хубха̄вам̣ дассети. ‘‘пайогасса̄’’ти падам̣ ‘‘а̄дха̄рабха̄ва’’нти паде са̄мӣ, ‘‘паччайа̄ хонтӣ’’ти паде сампада̄нам̣. ‘‘ниссайа’’нти падам̣ ‘‘а̄дха̄рабха̄ва’’нти падена сам̣ван̣н̣ети. ‘‘упетена̄’’ти имина̄ упасаддасса упагаманаттхам̣ дассети, балаваттхам̣ пат̣иккхипати. пат̣хаманти пайогато, пайогасса ва̄ та̄ва. имина̄ пуреджа̄тапаччайена̄ти еттха пуресаддо пат̣хаматтхоти дассети. паччха̄ти пайогато, пайогасса ва̄ парам̣. апуббам̣ ачариманти екапаха̄рена. имина̄ сахаджа̄тасаддасса аттхам̣ дассети.

евам̣ пуччхитва̄ти самбандхо. йанти дхаммаджа̄там̣. ида̄ни а̄ха̄ти самбандхо. йасса̄ти пайога̄дикасса. тадева̄ти дхаммаджа̄тамева. тасса̄ти ‘‘пуббакаран̣ам̣ пайогасса̄’’тиа̄дивачанасса аттхо евам̣ ведитабботи йоджана̄. ‘‘пайогасса катаме дхамма̄’’тиа̄ди йам̣ вачанам̣ вуттам̣, таттха виссаджджанам̣ майа̄ вуччатети йоджана̄. имина̄ па̄л̣ийам̣ аджджха̄харитва̄ йоджетаббабха̄вам̣ дассети. чатӯхи паччайехи паччайа̄ка̄рам̣ виттха̄ренто а̄ха ‘‘пайогасса хӣ’’тиа̄ди. пайогасса пуббакаран̣ам̣ паччайо хотӣти самбандхо. уддит̣т̣хадхаммесӯти ‘‘анантарапаччайена паччайо’’тиа̄дина̄ уддит̣т̣хесу дхаммесу пуреджа̄тапаччайо панеса̄ти самбандхо. атха ва̄ уддит̣т̣хадхаммесӯти пуббакаран̣авасена уддит̣т̣хесу дхована̄дидхаммесу екадхаммампӣти самбандхо. на лабхатӣти удака̄харан̣а̄дипайогасса пуббе на лабхати. айанти удака̄харан̣а̄дипайого. паччха̄джа̄тапаччайам̣ пана лабхатӣти удака̄харан̣а̄дипайого паччха̄джа̄тапаччайам̣ лабхати. касма̄ лабхатӣти а̄ха ‘‘паччха̄ уппаджджанакасса хӣ’’тиа̄ди. паччха̄ти пайогасса, пайогато ва̄ парам̣. хи йасма̄ кайирати, тасма̄ лабхатӣти йоджана̄. сахаджа̄тапаччайам̣ пана на лабхатӣти самбандхо. ма̄тика̄палибодха̄нисам̣сасан̇кха̄тети ат̣т̣хама̄тика̄двепалибодхапан̃ча̄нисам̣сасан̇кха̄те. ан̃н̃оти паннарасахи дхаммехи ан̃н̃о. пайога̄дӣсӯтиа̄дисаддена пуббакаран̣апаччуддха̄раадхит̣т̣ха̄на̄ни сан̇ган̣ха̄ти. етенупа̄йена̄ти етена йатха̄вуттаупа̄йена.

пуббакаран̣анида̄на̄дивибха̄гаван̣н̣ана̄

406-7. двиккхаттум̣ пуччхитатта̄ ‘‘пуччха̄двайа’’нти вуттам̣. хетупаччайа̄нам̣ сарӯпам̣ дассенто а̄ха ‘‘чха чӣвара̄нӣ’’ти. касма̄ ведитабба̄нӣти а̄ха ‘‘пуббапайога̄дӣнан̃хӣ’’тиа̄ди. хӣти йасма̄. та̄нийева̄ти чха чӣвара̄ни ева. евасаддо паччха̄пи йоджетаббо, та̄ни ева̄ти аттхо. хӣти саччам̣, пуббакаран̣а̄дӣни на аттхӣти йоджана̄.

408. ‘‘има̄йа сан̇гха̄т̣ийа̄’’тиа̄дина̄ вачӣбхеда̄ка̄рам̣ дассети. катхинаттха̄ракена йасма̄ паччуддха̄ро ча адхит̣т̣ха̄нан̃ча карӣйати, тасма̄ кирийа̄ти вуччати. тена вуттам̣ ‘‘паччуддха̄ро чева адхит̣т̣ха̄нан̃ча̄’’ти.

411. ваттхувипанна̄дӣнам̣ сарӯпам̣ дассенто а̄ха ‘‘акаппийадуссам̣ хотӣ’’тиа̄ди. вина̄сам̣, вика̄рам̣ ва̄ паджджатӣти випаннам̣, ваттхумева випаннам̣ ваттхувипаннам̣.

катхина̄диджа̄нитаббавибха̄гаван̣н̣ана̄

412. тесан̃н̃ева дхамма̄нанти еттха дхамма̄нам̣ сарӯпам̣ дассенто а̄ха ‘‘йесу рӯпа̄дидхаммесӯ’’ти. таттха рӯпа̄дидхаммесӯти ван̣н̣агандха̄дӣсу суддхат̣т̣хакарӯпакала̄падхаммесу. сатӣти сантесу. тесанти рӯпа̄дӣнам̣ дхамма̄нам̣. ‘‘самодха̄на’’нти имина̄ сан̇гахоти падасса аттхам̣ дассети. ‘‘миссӣбха̄во’’ти имина̄ самава̄йоти падасса аттхам̣ дассети. авайавадхамма̄нам̣ сам̣ екабха̄васса гахан̣ам̣ сан̇гахо. авайавадхамма̄нам̣ самам̣ айанам̣ паваттанам̣ самава̄йо. бахӯсу дхаммесӯти бахӯсу параматтхапан̃н̃аттидхаммесу. на̄маматтанти на̄мапан̃н̃аттиматтам̣. пуббети катхинаккхандхаке.

‘‘ка̄ран̣ехӣ’’ти имина̄ а̄ка̄расаддо ка̄ран̣аттхоти дассети. йанти вачанам̣.

416. уппаджджантӣти катхинуддха̄ра̄ уппаджджанти. кинти ким̣ аттхаджа̄там̣. саббепи катхинуддха̄ра̄ти самбандхо. хӣти саччам̣, йасма̄ ва̄. еттха̄ти катхинуддха̄ресу. пурима̄ двети антаруббха̄расахуббха̄равасена пурима̄ две. етесан̃ча̄ти пурима̄нам̣ двиннан̃ча. итарети авасеса̄ катхинуддха̄ра̄. тесупӣти итаресу катхинуддха̄ресу. саббаттха̄ти саббасмим̣ катхинавиниччхайе.

ити самантапа̄са̄дика̄йа винайасам̣ван̣н̣ана̄йа

пан̃н̃аттиваггаван̣н̣ана̄йа

йоджана̄ саматта̄.