8. чодакена паччавеккхитаббадхаммакатха̄

399. ‘‘аччхиддена аппат̣имам̣сена̄’’тиа̄дӣсу еваматтхо ведитабботи йоджана̄. чхиддасаппат̣имам̣сам̣ пат̣хамам̣ дассетва̄ випарӣтавасена аччхиддааппат̣имам̣сам̣ дассенто а̄ха ‘‘йена̄’’тиа̄ди. таттха йена ката̄нӣти самбандхо. чхиджджатӣти чхиддо, пат̣и пунаппунам̣ масийати а̄масийатӣти пат̣имам̣со, ниггахита̄гамо, бха̄ваппадха̄нойам̣ камманиддесо. саха пат̣имам̣сена̄ти саппат̣имам̣со, ка̄йасама̄ча̄ро. випарӣтоти випариваттавасена ито паватто, ка̄йасама̄ча̄роти аттхо. амӯлака̄нуддхам̣сана̄дӣхӣти а̄дисаддена дут̣т̣хуллава̄ча̄дайо сан̇ган̣ха̄ти.

меттам̣ ну кхо ме читтанти еттха аппана̄бха̄ваппаттам̣ меттачиттамева̄дхиппетанти дассенто а̄ха ‘‘палибодхе чхиндитва̄’’тиа̄ди. таттха палибодхети а̄ва̄сапалибодха̄дике палибодхе. ‘‘виккхамбханавасена вихата̄гха̄та’’нти имина̄ аппана̄бха̄ваппаттам̣ меттачиттамева дассети. идам̣ пана̄вусо каттха вуттам̣ бхагавата̄ти еттха идам̣саддаким̣садда̄нам̣ висайам̣ дассенто а̄ха ‘‘идам̣ сиккха̄падам̣ катарасмим̣ нагаре’’ти.