5. бхаттаггаваттакатха̄

364. бхаттаггаваттети бхаттам̣ ган̣ханти еттха̄ти бхаттаггам̣, паривисанат̣т̣ха̄нам̣. тасмим̣ каттаббам̣ ваттам̣ бхаттаггаваттам̣, тасмим̣ бхаттаггаватте евам̣ виниччхайо ведитабботи йоджана̄. манусса̄нам̣ паривисанат̣т̣ха̄нам̣ на̄ма йаттха манусса̄ сапуттада̄ра̄ а̄васитва̄ бхиккхӯбходженти. ‘‘атиаллӣйитва̄’’ти имина̄ анупакхаджджа̄ти еттха кхададха̄тусса хим̣санам̣ на̄ма атиаллӣйананти дассети. а̄санесу сатӣти а̄санесу сантесу. нисӣдантасса навакасса̄ти самбандхо. а̄паджджатӣти а̄паттим̣ а̄паджджати. а̄пуччхите анануджа̄нанто тхеро а̄паджджатӣти йоджана̄. сан̇гха̄т̣инти па̄рутасан̇гха̄т̣им̣.

паттадхованаудаканти бхун̃джанаттха̄йа патта̄нам̣ дхованаудакам̣. гахетаббанти хаттхена гахетаббам̣.

йатха̄ ган̣хийама̄нети йоджана̄. матта̄йа̄ти пама̄н̣а̄йа. саббиа̄дӣсу ева̄ти евасаддо аджджха̄харитаббо. саббиа̄дӣсӯти саббителауттарибхан̇гесу, ниддха̄ран̣е бхуммам̣. йанти саббиа̄дикам̣. аппахотӣти саббесам̣ бхиккхӯнам̣ наппахоти. танти саббиа̄дикам̣, сампа̄дехӣти самбандхо. та̄дисам̣ саббиа̄диканти самбандхо.

йам̣ бхаттагганти йоджана̄. хаттхадхованаудаканти бхутта̄вӣнам̣ хаттхасса дхованаудакам̣. антара̄ти бходжанасса маджджхе. пипа̄ситена̄ти пивитум̣ иччхантена. галети кан̣т̣хе.

ниваттантена̄ти еттха касма̄ т̣ха̄на̄ ниваттантена̄ти а̄ха ‘‘бхаттаггато’’ти. катхам̣ кена̄ка̄рена ниваттитаббанти йоджана̄. касма̄ навакехи бхиккхӯхи пат̣хаматарам̣ ниваттитаббанти а̄ха ‘‘самба̄дхесу хӣ’’тиа̄ди. никкхаманока̄соти пат̣хаматарам̣ никкхантока̄со. пат̣ипа̄т̣ийа̄ти вуд̣д̣хапат̣ипа̄т̣ийа̄. дхурети гехадва̄расса самӣпе. дхурасаддо хи идха самӣпава̄чако. навака̄ антогехе че нисинна̄ хонтӣти йоджана̄. антарена̄ти бхиккхӯнам̣ виварена, маджджхена ва̄. вирал̣а̄йа̄ти танука̄йа.