3. амӯл̣хавинайакатха̄

196. бха̄ситапарикантанти еттха бха̄ситапарикантасадда̄нам̣ каран̣а̄пеккхатта̄ висум̣ каран̣ам̣ дассенто а̄ха ‘‘ва̄ча̄йа бха̄ситам̣, ка̄йена париканта’’нти. ‘‘париккаметва̄ ката’’нти имина̄ парикаматӣти парикантам̣, парикантам̣ хутва̄ катам̣ парикантанти вачанаттхам̣ дассети. париккаметва̄ти атиккамитва̄. сарата̄йасма̄ти еттха ука̄ралопасандхим̣ дассенто а̄ха ‘‘сарату а̄йасма̄’’ти. ‘‘еварӯпийа̄ а̄паттийа̄’’ти имина̄ а̄паджджита̄ти еттха тупаччайайогабха̄вато камматтхачхат̣т̣хийа̄пи самбхавабха̄вам̣ дассети. тупаччайайоге камматтхачхат̣т̣хӣ аниччам̣ хоти, тасма̄ па̄л̣ийам̣ ‘‘еварӯпийа̄ а̄паттийа̄’’ти камматтхачхат̣т̣хӣбха̄вена аватва̄ ‘‘еварӯпим̣ а̄патти’’нти камматтхадутийа̄бха̄вена вуттанти дат̣т̣хаббам̣. тасса̄ти ‘‘а̄паджджитва̄’’ти па̄т̣хасса. ‘‘пат̣хамам̣ паччха̄’’ти падехи адхиппа̄йаттхам̣ дассети. чодакасса катхам̣ винети вина̄сетӣти винайо, чодакасса катхам̣ винети вина̄сети анена̄ти ва̄ винайо. пат̣хамам̣ мӯл̣хабха̄вам̣ упагантва̄ паччха̄ амӯл̣хасса да̄таббо винайо амӯл̣хавинайо.