205. ра̄джагахасет̣т̣хиваттхукатха̄

332. ирийа̄патхасампариваттанена̄ти ирийа̄патхасса пунаппунам̣ париваттанена. тӣхи сатта̄хехи ниччаласса нипаннасса асса сет̣т̣хисса маттхалун̇ганти йоджана̄. аппева нипаджджеййа̄ти йоджана̄. нанти сет̣т̣хим̣. тенева̄ти тенева ка̄ран̣ена. сӣсам̣ чха̄детӣти сӣсаччхавӣти вутте сӣсапат̣иччха̄даначамманти а̄ха ‘‘сӣсачамма’’нти. тасса̄ти сет̣т̣хисса. тӣхи сатта̄хена̄ти еттха пуббападена паччхимападам̣ гун̣итва̄ гахетаббанти а̄ха ‘‘тӣхи пассехи екенекена сатта̄хена̄’’ти.

333. джанам̣ нӣхара̄петва̄ти джанам̣ апаккама̄петва̄.