178. сӣхасена̄пативаттхукатха̄

290. дхаммасса ча анудхамманти еттха дхаммасаддо ка̄ран̣аттхоти а̄ха ‘‘ка̄ран̣асса анука̄ран̣а’’нти. ‘‘парехӣ’’ти падам̣ ‘‘вутта’’ити паде катта̄. ‘‘вуттака̄ран̣ена̄’’типадам̣ ‘‘сака̄ран̣о’’типаде каран̣ам̣. кочи аппаматтакопи тумха̄кам̣ ва̄доти йоджана̄. ‘‘вин̃н̃ӯхӣ’’ти падам̣ ‘‘гарахитабба’’ити паде катта̄. ‘‘гарахитаббака̄ран̣а’’нти падам̣ ‘‘на а̄гаччхатӣ’’ти паде каммам̣. анаббхаккха̄тука̄ма̄ти еттха абхитйӯпасагго абхибхаванаттхо а̄пуббо кха̄дха̄ту пакатханаттхоти а̄ха ‘‘абхибхавитва̄ на а̄чиккхитука̄ма̄’’ти.

293. анувиччака̄ранти еттха анувиччасаддо вичадха̄ту тва̄паччайантоти а̄ха ‘‘анувичитва̄’’ти. ‘‘чинтетва̄’’ти имина̄ вичадха̄туйа̄ н̃а̄н̣аттхам̣ дассети. ‘‘ка̄табба’’нти имина̄ ка̄таббанти ка̄ранти вачанаттхам̣ дассети. пат̣а̄канти дхаджапат̣а̄кам̣. ‘‘а̄хин̣д̣еййу’’нти имина̄ парийа̄йеййунти еттха парипуббаа̄пубба йа̄дха̄туйа̄ гатйаттхам̣ дассети. па̄л̣ийам̣ ‘‘парихареййу’’нтипи па̄т̣хо. а̄хин̣д̣еййунти а̄хин̣д̣анти. муддхаджо татийаккхаро. опа̄набхӯтанти еттха опа̄но вийа бхӯто опа̄набхӯтоти аттхам̣ дассенто а̄ха ‘‘пат̣ийаттаудапа̄но вийа т̣хита’’нти. ‘‘удапа̄но’’ти имина̄ опа̄насаддо удапа̄наттхоти дассети. удапа̄но хи саббе джана̄ осаритва̄ пиванти еттха̄ти опа̄ноти вуччати. имесанти ниган̣т̣ха̄нам̣. хӣти саччам̣, йасма̄ ва̄. сампатта̄нам̣ да̄нам̣ да̄таббамева, тасма̄ ма̄ упаччхиндиттха̄ти йоджана̄. уддисса̄ти тва̄паччайантасаддо ‘‘ката’’нти уттарападена сама̄соти а̄ха ‘‘уддиситва̄ ката’’нти. есева найо ‘‘пат̣иччакамма’’нти еттха̄пи.

294. пат̣иччакамманти етам̣ на̄мам̣ нимиттакаммасса адхивачананти йоджана̄. йоти йо кочи джано. вадхакасса па̄н̣агха̄такаммам̣ хоти вийа, тасса̄пи хотӣти йоджана̄. на джӣрантӣти еттха джарадха̄ту гатйаттхоти а̄ха ‘‘на гаччхантӣ’’ти.