153. йа̄на̄дипат̣иккхепакатха̄

253. иттхийуттена̄ти еттха рӯл̣ӣвасена дхенупи иттхӣ на̄ма̄ти а̄ха ‘‘дхенуйуттена̄’’ти. пурисантарена̄ти еттха пурисо ева антаро ан̃н̃о еттха̄ти пурисантарам̣ йа̄нам̣. пурисантаро на̄ма аттхато са̄ратхӣти а̄ха ‘‘пурисаса̄ратхина̄’’ти, йа̄нена̄ти йоджана̄. ган̇га̄махийа̄йа̄ти еттха ган̇га̄ ча махӣ ча ган̇га̄махӣ, таттха кӣл̣ика̄ ган̇га̄махийа̄ти аттхам̣ дассенто а̄ха ‘‘ган̇га̄махӣкӣл̣ика̄йа̄’’ти. таттха хи иттхипуриса̄ йа̄нехи удакакӣл̣ам̣ кӣл̣анти. пурисайуттам̣ хаттхават̣т̣аканти еттха ‘‘ануджа̄на̄ми бхиккхаве пурисайуттан̃ча хаттхават̣т̣акан̃ча̄’’ти дассенто а̄ха ‘‘еттха̄’’тиа̄ди. таттха пурисайуттанти пурисена йуджджитаббанти пурисайуттам̣ йа̄нам̣. хаттхават̣т̣аканти хаттхена ват̣т̣етаббанти хаттхават̣т̣акам̣ йа̄нам̣. йа̄нуггха̄тена̄ти йа̄насса уллан̇гхитва̄ гаманена. ханадха̄ту хи гатйаттхо. таматтхам̣ дассенто а̄ха ‘‘йа̄нам̣ абхирухантасса̄’’тиа̄ди. ‘‘таппаччайа̄’’ти имина̄ йа̄нуггха̄тена̄ти еттха хетваттхе каран̣авачананти дассети. пӣт̣хакасивиканти пӣт̣хена саха катам̣ сивикам̣. пат̣апот̣аликанти пат̣амайам̣ пот̣аликам̣.