109. сатта̄хакаран̣ӣйа̄нуджа̄нанакатха̄

187. сатта̄хакаран̣ӣйесу евам̣ виниччхайо ведитабботи йоджана̄. ‘‘сатта̄хакаран̣ӣйена̄’’ти падасса саттамӣсама̄сан̃ча анӣйасаддасса камматтхан̃ча дассенто а̄ха ‘‘сатта̄хаббхантаре йам̣ каттабба’’нти. таттха ‘‘сатта̄хаббхантаре’’ти имина̄ саттамӣсама̄сам̣ дассети, ‘‘каттабба’’нти имина̄ камматтхам̣. ‘‘сатта̄хаббхантаре’’ти имина̄ сатта̄хасса аббхантарам̣ сатта̄ханти уттарападалопам̣ дассети. пахите гантунти еттха пахитесаддасса каттукамма̄ни дассетум̣ вуттам̣ ‘‘бхиккхуа̄дӣхи дӯте’’ти. таттха ‘‘бхиккхуа̄дӣхӣ’’ти имина̄ катта̄рам̣ дассети, ‘‘дӯте’’ти имина̄ каммам̣. сатта̄ханти еттха уттарападалопан̃ча бхумматтхе упайогавачанан̃ча дассенто а̄ха ‘‘антосатта̄хейева̄’’ти. таттхева̄ти тасмим̣ пахитат̣т̣ха̄нейева. ‘‘на ут̣т̣ха̄петаббо’’ти имина̄ ‘‘сатта̄хейева̄’’ти еттха евасаддасса пхалам̣ дассети.

189. расо етасмим̣ аттхӣти расаватӣти вутте бхаттагехам̣ гахетаббанти а̄ха ‘‘бхаттагехам̣ вуччатӣ’’ти. бхаттагеханти бхаттапачанагехам̣. пура̄йам̣ суттантоти еттха пура̄ айанти падаччхедам̣ катва̄ пура̄саддо йа̄вапарийа̄йоти а̄ха ‘‘йа̄ва айам̣ суттанто’’ти. на палуджджатӣти еттха луджадха̄ту вина̄саттхоти а̄ха ‘‘на винассатӣ’’ти. парисан̇кхатанти парисан̇кхаритаббам̣. саббаттха̄ти саббесу пахитесу. имина̄ва каппийавачанена̄ти имина̄ ева каппийена тива̄кйасан̇кха̄тена вачанена. етесанти етесам̣ тин̣н̣ам̣ ва̄кйа̄нам̣. вевачанена̄ти ‘‘йан̃н̃ан̃ча йаджитум̣, суттан̃ча угган̣хитум̣, саман̣е ча дасситу’’нти парийа̄йена. саттасӯти упа̄сака упа̄сика бхиккхубхиккхунӣ сиккхама̄на са̄ман̣ера са̄ман̣ерӣ сан̇кха̄та̄су саттасу.