110. пан̃чаннам̣ аппахитепи ануджа̄нанакатха̄

193. пагева пахитети имина̄ ‘‘апахитепи гантабба’’нти еттха писаддасса самбха̄ванаттхам̣ дассети. пан̃чаннам̣ сахадхаммика̄нам̣ сантикам̣ гантаббабха̄васса ка̄ран̣ам̣ вибхаджитва̄ дассенто а̄ха ‘‘бхиккху гила̄но хотӣ’’тиа̄ди. дасахӣти ‘‘сан̇гхо каммам̣ каттука̄мо хоти, катам̣ ва̄ сан̇гхена каммам̣ хотӣ’’ти идам̣ ан̇гам̣ екам̣ катва̄ дасахи. навахӣти парива̄са̄рахам̣ апанетва̄ навахи. чатӯхӣти гила̄наанабхиратикуккуччадит̣т̣хигатауппаннасан̇кха̄техи чатӯхи. ити имехи чхахӣти йоджана̄. са̄ман̣ерассапи чхахӣти еттха чханнам̣ сарӯпам̣ виттха̄ретва̄ дассенто а̄ха ‘‘а̄дито’’тиа̄ди. там̣ сувин̃н̃еййамева. са̄ман̣ерийа̄ сантикам̣ пан̃чахи гантаббанти йоджана̄. паратоти парасма̄, парасмим̣ ва̄. андхакат̣т̣хакатха̄йам̣ вуттанти самбандхо. йе н̃а̄така̄ ва̄ йе ан̃н̃а̄така̄ ва̄ аттхи, тесампӣти йоджана̄. танти вачанам̣.