108. васса̄неча̄рика̄пат̣иккхепа̄дикатха̄

185. а̄патти ведитабба̄ти анапеккхагаманена упача̄ра̄тиккаме са̄пеккхагаманена ан̃н̃аттха арун̣ут̣т̣ха̄пане а̄патти ведитабба̄. виха̄раган̣ана̄йа а̄паттийо ведитабба̄ти еттха вассӯпана̄йикадивасе вассам̣ анупагантука̄мата̄читтена виха̄рам̣ атиккамеййа, виха̄раган̣ана̄йа а̄паттийо ведитабба̄. тамеваттхам̣ виттха̄ренто а̄ха ‘‘саче хӣ’’тиа̄ди. там̣ дивасанти тасмим̣ вассӯпагаманадивасе. сатам̣ а̄паттийоти еттха сатанти сан̇кхйа̄падха̄натта̄ екавачананти саддасаттхесу вуттам̣. ека̄ ева а̄паттӣти аттано виха̄расса атиккаманейева ека̄ ева а̄патти. кеначи антара̄йена анупагатена̄ти самбандхо.

вассана̄мо имассаттхӣти вассоти вачанаттхам̣ дассенто а̄ха ‘‘вассана̄мака’’нти. ‘‘пат̣хамам̣ ма̄са’’нти имина̄ ан̃н̃ападасса сарӯпам̣ дассети. пат̣хамам̣ ма̄санти чатӯсу вассама̄сесу пат̣хамам̣ ма̄сам̣. уккад̣д̣хитука̄моти упари кад̣д̣хитука̄мо. а̄сал̣хӣма̄самева, на са̄ван̣ама̄санти аттхо. джун̣хасаддо чандапабха̄йутто ма̄соти а̄ха ‘‘ма̄се’’ти. чандапабха̄йутто ма̄соти а̄ха ‘‘ма̄се’’ти. чандапабха̄йутто хи ма̄со джотати диппатӣти джун̣хоти вуччати. тасма̄ ‘‘ма̄се’’ти са̄ман̃н̃ато вуттепи пун̣н̣амийутто ма̄сова гахетаббо. ка̄чи париха̄ни на̄ма̄ти кин̃чи сӣла̄дӣнам̣ ха̄йанам̣ на̄ма. ан̃н̃асмимпӣти вассӯпагаманато ан̃н̃асмимпи. дхаммикети дхаммена йутте.