105. ваджджанӣйапуггаласандассанакатха̄

183. хаттхапа̄сӯпагаманамева̄ти упосатхасан̇гха̄дӣнам̣ хаттхапа̄сасса упагаманамева. идам̣ па̄рива̄сийапа̄рисуддхида̄нам̣ на̄ма на ват̣т̣атӣти йоджана̄. тасса̄ти па̄рива̄сийапа̄рисуддхида̄насса. анупосатхети еттха ака̄расса ан̃н̃аттхам̣ дассенто а̄ха ‘‘ан̃н̃асмим̣ дивасе’’ти. таттха ан̃н̃асминти двӣхи упосатхехи ан̃н̃асмим̣. йа̄ сан̇гхаса̄маггӣ карийати, татха̄рӯпинти йоджана̄. косамбакабхиккхӯнанти косамбийам̣ нива̄сӣнам̣ бхиккхӯнам̣. са̄маггӣ вийа йа̄ са̄маггӣти йоджана̄. ‘‘т̣хапетва̄’’ти имина̄ ан̃н̃атра̄ти нипа̄тасса аттхам̣ дассети. йе пана̄ти бхиккхӯ пана самагга̄ хонтӣти самбандхо. упосатхейева̄ти упосатхадивасейева.

ити упосатхаккхандхакаван̣н̣ана̄йа йоджана̄ саматта̄.