58. аладжджӣниссайаваттхукатха̄

120. ‘‘аладжджӣнам̣ ова̄да’’нти па̄т̣хасесена йоджите са̄мйаттхе са̄мивачанампи йуджджатева. там̣ найам̣ адассетва̄ ‘‘упайогаттхе са̄мивачана’’нти вуттам̣. ‘‘бхиккхӯхи сабха̄гата’’нти имина̄ бхиккхӯхи сама̄но сӣла̄дигун̣асан̇кха̄то бха̄го имасса̄ти бхиккхусабха̄го, тасса бха̄во бхиккхусабха̄гатанти вачанаттхам̣ дассети. ‘‘ладжджибха̄ва’’нти имина̄ бха̄вапаччайасса сарӯпам̣ дассети. нават̣т̣ха̄нанти абхинават̣т̣ха̄нам̣. гатена бхиккхуна̄ти самбандхо.

тхероти ниссайада̄йако тхеро. гахетука̄моти ниссайам̣ гахетука̄мо. а̄ча̄ранти ниссайапат̣ипаннасса а̄ча̄рам̣. тадахева̄ти тасмим̣ гатаахани ева. а̄бхогасса кататта̄, арун̣уггаманасса ча аджа̄нанатта̄ вуттам̣ ‘‘ана̄паттӣ’’ти. арун̣уггаманам̣ аджа̄нантопи а̄бхогасса акататта̄ вуттам̣ ‘‘арун̣уггамане дуккат̣а’’нти. ‘‘две тӣн̣и диваса̄нӣ’’ти падена чату пан̃ча чха диваса̄нипи гахетабба̄ни лаккхан̣аха̄ранайена анисситена васитаббабха̄вена сама̄напхалатта̄. тена̄ха ‘‘сатта̄хам̣ васисса̄мӣ’’ти. ладдхапариха̄роти ладдхо париха̄ро а̄паттиапанайанам̣ йена̄ти ладдхапариха̄ро.