7. сан̃чиччасиккха̄падам̣

464. саттаме упапуббадахадха̄тусса сакаммикатта̄ ка̄ритантогадхабха̄вам̣ дассетум̣ вуттам̣ ‘‘уппа̄дентӣ’’ти. ‘‘анупасампаннасса̄’’ти еттха ака̄расса садисаттхам̣ дассетум̣ вуттам̣ ‘‘са̄ман̣ерасса̄’’ти. са̄ман̣еропи хи упасампаннена садисо хоти сан̣т̣ха̄нена ча пурисабха̄вена ча. са̄ман̣ерасса куккуччам̣ упадахатӣти самбандхо. нисиннам̣ ман̃н̃е, нипаннам̣ ман̃н̃е, бхуттам̣ ман̃н̃е, пӣтам̣ ман̃н̃е, катам̣ ман̃н̃ети йоджана̄. нисиннанти нисӣдитам̣. нипаннанти нипаджджитанти. саттамам̣.