3. уккот̣анасиккха̄падам̣

392. татийе ‘‘учча̄лентӣ’’тиимина̄ уккот̣ентӣти еттха упуббасса кут̣адха̄тусса учча̄ланаттхам̣ дассети дха̄тӯна, манекаттхатта̄. йам̣ йам̣ патит̣т̣хитам̣ йатха̄патит̣т̣хитам̣, тасса бха̄во йатха̄патит̣т̣хитабха̄во, тена.

393. йо дхаммоти йо саматхадхаммо. дхаммена̄ти еттха енасаддена ‘‘йатха̄дхамма’’нти еттха ам̣итика̄рийасса ка̄рим̣ дассети. имина̄ ‘‘йатха̄дхамма’’нти падасса ‘‘нихата̄дхикаран̣а’’нти еттха нихатасаддена самбандхитаббабха̄вам̣ дассети. ‘‘саттха̄ра̄’’типадам̣ ‘‘вуттам̣’’ итипаде катта̄. наттхи хатам̣ хананам̣ имасса̄ти нихатанти вутте аттхато вӯпасаманамева̄ти а̄ха ‘‘вӯпасамита’’нти.

395. йам̣ ва̄ там̣ ва̄ каммам̣ дхаммакаммам̣ на̄ма на хоти, атха кхо адхикаран̣авӯпасамакаммамева дхаммакаммам̣ на̄ма̄ти дассенто а̄ха ‘‘йена каммена̄’’тиа̄ди. айампӣти айампи бхиккху. сесапада̄нипӣти ‘‘дхаммакамме вематико’’тиа̄дӣни сесапада̄нипи. еттха̄ти имасмим̣ сиккха̄паде. виттха̄ро пана вуттоти самбандхо. таттхева̄ти парива̄ре ева. идха̄ти имасмим̣ сиккха̄паде, вибхан̇ге ва̄ти. татийам̣.