7. маха̄на̄масиккха̄падам̣

303. саттаме ‘‘бхагавато’’типадам̣ ‘‘чӯл̣апитупутто’’типаде самбандхо, ‘‘махаллакатаро’’типаде апа̄да̄нам̣. чӯл̣апитупуттоти суддходано, саккодано, суккодано, дхотодано, амитоданоти пан̃ча джана̄ бха̄таро, амита̄, па̄лита̄ти две бхагинийо. тесу бхагава̄ ча нандо ча джет̣т̣хабха̄тубхӯтасса суддходанасса путта̄, а̄нандо канит̣т̣хабха̄тубхӯтасса амитоданасса путто, маха̄на̄мо ча ануруддхо ча татийасса суккоданасса путта̄. саккоданадхотодана̄нам̣ путта̄ апа̄кат̣а̄. тиссаттхеро амита̄йа на̄ма бхагинийа̄ путто, па̄лита̄йа путтадхӣтара̄ апа̄кат̣а̄. тасма̄ чӯл̣апитуно суккоданасса путто чӯл̣апитупуттоти аттхо дат̣т̣хаббо. двӣсу пхалесӯти хет̣т̣химесу двӣсу пхалесу. уссаннасаддо бахупарийа̄йоти а̄ха ‘‘бахӯ’’ти. ваджатоти гот̣т̣хато. тан̃хи га̄во гочарат̣т̣ха̄нато пат̣иккамитва̄ нива̄саттха̄йа ваджанти гаччханти асминти ваджоти вуччати.

306. тасмим̣ самайети тасмим̣ пава̄ран̣асамайе. ‘‘еттакехӣ’’типадасса на̄мавасена ва̄ парима̄н̣авасена ва̄ дувидхасса аттхасса адхиппетатта̄ вуттам̣ ‘‘на̄мавасена парима̄н̣авасена̄’’ти. тесу на̄мам̣ сандха̄йа етам̣ на̄мам̣ етесам̣ бхесаджджа̄нанти еттака̄нӣти вачанаттхо ка̄таббо, парима̄н̣ам̣ сандха̄йа етам̣ парима̄н̣ам̣ етесанти еттака̄нӣти вачанаттхо ка̄таббо. ‘‘ан̃н̃ам̣ бхесаджджа’’нти еттха ан̃н̃асаддасса апа̄да̄нам̣ на̄мам̣ ва̄ парима̄н̣ам̣ ва̄ бхавеййа̄ти а̄ха ‘‘саббина̄ пава̄рито’’тиа̄ди.

310. йети да̄йака̄, пава̄рита̄ хонтӣти самбандхоти. саттамам̣.